Shillong, Iaiong 14: Ka ophis jong Sub Divisional Officer jong ka Sohra Civil Sub Division kala pynmih ia ka jingpynbna piadbah ba baroh ki nongtrei sorkar, ki nonghikai Deficit bad Adhock ki dei ban pynphai noh ia ki kard ration hapoh ka 3o/Iaiong/2025.
Ka jingai ia ka kard ration ka long katkum ka khana samari jong u snem 2011 bad mynta la khatsaw snem, leh hapoh kine ki snem kila don kiba ioh kam sorkar, ki nongtrei sorkar kim lah ban ioh ia ka ration kard.
Haba ia dei bad kane la kyntu ia baroh ki nongtrei sorkar, ki nonghikai Deficit bad Adhock ban kin pynphai noh ia ki ration kard kiba hap hapoh jong ka skhim NFSA,Ia ka bhah ka jingki yn lah ban ai sha kito kiba don kam hok ban ioh ia u khraw ration.
La bthah ba kin leit ban iati noh ia ki Ration Kard ha shuwa ban kut mynta u bnai iaiong, ha ka juh ka por na ka liang jong ka ophis ka dang pynkhreh ban peit bniah ia ki kyrteng jong kiba la ioh kam.
Na ka liang ka ophis lada lap ba kim pynphai wat la kila trei kam sorkar kin ngat ha ki kyndon ka ain, ia kane ka jingpynbna la pynmih na ka ophis jong Additional Deputy Commissioner jong ka Sohra Civil Sub Division.
