New Delhi, Nohprah 29: Ha u mawmer ba kongsan ban pyni ia ka jingpynbiang ia ki lad ai jingsumar sha baroh ki jaka da kaba bud ia ka jingngeit ha ka ‘Antyodaya’, ka la don ka jingwan iashim bynta palat 2 klur ngut briew ha ki health camp ba la pynlong ha ka Viksit Bharat SankalpYatra.
Hapoh ka Viksit Bharat SankalpYatra ba dang iaid mynta, ka jingwan iashim bynta ki briew ka la kot sha ka 2,10,24,874 ha 1,08,500 tylli ki Gram Panchayat bad ki Bor pyniaid shnong ha ki jaka sor, haduh mynta.
Hapoh ka skhim ba kyrpang jong ka MoHFW na ka bynta ka Viksit Bharat SankalpYatra, la shna ia ki Ayushman card da kaba pyndonkam ia ka Ayushman app bad la sam markhmat ia ki card sha kiba dei ban ioh jingmyntoi.
Hashuwa ban kut ka sngi kaba sawphew saw, la sam markhmat palat 32,54,611 tylli ki card. Katkum ka jingtip ba la ioh na ka NHA la shna palat 1,44,80,498 tylli ki card haduh mynta ha ki distrik ba la pynlong ia ki prokram.
La pynlong ka jingeksamin ia ki briew kiba don ia ka jingpang TB da kaba peit thuh ia ki dak jingpang, ka jingtest ia ka kyrkhah, bad ka jingpyndonkam ia ki kor NAAT. La phah ia ki case ba suba don ia kane ka jingpang sha ki jaka sumar ba kham halor.
Hashuwa ban kut ka sngi kaba sawphew saw, la eksamin palat 80,01,825 ngut ki briew bad na kane la phah ia palat 4,86,043 sha ki jaka sumar ba kham halor.
Hapoh ka PradhanMantri TB Mukt Bharat Abhiyan (PMTBMA), la shim ia ka jingai jingbit jong ki briew kiba don ia ka jingpang TB na ka bynta ban ioh ia ki lad jingiarap na ki NikshayMitra.
Ki briew kiba kwahia ki Nikshay Mitra ki ioh ia ka lad kyntiew kyrteng mardor ha kine ki jaka. Palat 1,40,852 ngut ki nongpang ki la ai jingmynjur hapoh ka PMTBMBA bad la pynrung kyrteng palat 50,799 ngut ki NikshayMitra ba thymmai.
Hapoh ka NikshayPoshanYojana (NPY), la ai jingiarap pisa sha ki briew kiba don ia ka jingpang TB lyngba ka Direct benefit Transfer. Na ka bynta kane, la lum ia ki jingtip shaphang ka bank account jong ki nongioh jingmyntoi ki bym pat pyndep bad la pyniasoh ia ki bank account bad u Aadhaar. Hashuwa ban kut ka sngi kaba sawphew saw, la lum ia ki jingtip jong 36,763 ngut kiba dei ban ioh ia ka jingmyntoi.
Ha ki jaka ba bun ki nongshong shnong riewlum, la pynlong ia ka jingeksamin ia ki briew (haduh 40 snem ka rta) na ka bynta ban lap ia ka jingpang Sickle Cell (SCD) lyngba ki test Point of Care (PoC) na ka bynta ka jingpang SCD lane lyngba ka Solubility Test.
Ia ki briew ba don ia kane ka jingpang la phah sha ki jaka sumar ba kham halor. Hashuwa ban kut ka sngi kaba sawphew saw, ladepeksamin ia palat 8,51,194 ngut ki briew haduh mynta, na kane 27,630 ngut la lap ba ki don ia kane ka jingpang bad la phah ia ki sha ki jaka sumar ba kham halor.
La pynlong ka jingeksaminia ki briew kiba naduh (30 snem shaneng) na ka bynta ka jingpang Hypertension bad Diabetes bad ia ki briew ba suba don ia kine ki jingpang la phah sha ki jaka sumar ba kham halor.
Hashuwa ban kut ka sngi ba sawphew saw, la eksamin kumba 15,694,596 ngut ki briew na ka bynta ka jingpang Hypertension bad Diabetes. Palat 7,32,057 ngut ki briew ki don ia ka jingpang Hypertension bad palat 5,28,563 ngut kidei kiba don ia ka jingpang Diabetes bad la phah ia palat 11,56,927 ngut ki briew sha ki jaka sumar ba kham halor.