Shillong, Nailar 03: U President ka Catholic Association of Shillong u bah John Anthony Lyngdoh la pyntip ba ka ‘Silent Peace Rally’ ha ka sngi Saitjain 5/8/2023, la khot ban pynlong ia kane ka jingiaid paidbah kaba jar jar k long ban duwai na ka bynta ka jingsuk hapoh ka jylla Manipur.
Na ka liang jong ka seng ka kyntu ia baroh kiba ia wan sha ka jingiaid paidbah kaba jar ba kin nym thoh kino kino ki jingthoh kiba pynrem ne pyrshah ha ki banar, kane ka dei ka jingiaid jar jar bad ki jignthoh kim dei ban long kiba lah ban pynthut ka kyntu u president ia ki ban wan ia shim bynta ha katei ka jingiaid paidbah.
Na ka liang jong ka Catholic Association of Shillong kala khot la wer ia baroh ki jait niam bapher bapher kiba don ha kane ka jylla ba kin wan ia shim bynta lang ha kane ka jingiaid paidbah ban duwai na ka bynta ka jingsuk ha katei ka jylla Manipur, kane ka jingjia kam dei ba kala ktah tang ia ka jylla Manipur, hynrei kala ktah ia ka North East, ka Ri India bad ka Pyrthei ruh baroh kawei.
Ia ka jingiaid kaba jar jar kan sdang na Madan Iewrynhep bad ban pynkut ha Mini Stadium ka skul St Anthony’s School, ka jingiaid kan sdang por 10.00 baje mynstep bad ha Mini Stadium kin pynlong ia ka jingduwai da ki jaidniam baroh ha dien kata kin sa leit ban ai ia ka dorkhas sha ka President ka Ri India lyngba u Lat ka jylla.
Haduh mynta, ha kine ki jingjia ha katei ka jylla Manipur kumba 50000 ngut ki briew kiba la sah khlem iing khlem sem, kumba 10000 tylli ki iing kila sah pynjot kumba 500 tylli ki jaka mane blei kila shah pynjot haduh mynta.
Kum ka seng kam don ka jingiashoh iano iano ruh, hynrei kaei kaba jia naduh ka 3th Jymmang 2023 haduh mynta ha katei ka jaka ka long kaba la palat kaba ym lah ban pdiang kum ki briew, ka jingthmu ban phah sha ka President ia ka dorkhas ka long ba dawa na ka President ka Ri India ba kan pynthikna ba ka jingsuk kan wan noh ha katei ka jylla Manipur.
