Shillong, Nohprah 24: Ka paidbah ka jylla Meghalaya ki shem ba ka dor jong u shni ha ka shikilo khamtam ia Iewduh ka long T.50/- tyngka shikilo don kiba die palat ia katei ruh ka dor, kane ka jingkiew dor ka lah ban don ka jingiadei bad ka jingshallan beain ia u Shini sha Bangladesh.
Na ka liang jong ki BSF jan man ka sngi ki ioh ban kurup shini na ki kali kiba rung sha khappud bad ka Bangladesh kiba la pynkit sha ki kali Bolero Pick-up bad haba bun sien ki BSF ki kylli bun na ki nongniah ia ki kalikim lah ban jubab.
Kane ka jingkhaii beain ia u shini na Meghalaya sha Bangladesh kam dei ka kam kaba dang thymmai hynrei kaba la juh jia bad na ka liang jong ki shipai BSF ruh kila ia leh katba lah ban kem haba ki ioh ia ki jingtip kiba bniah.
Kane ka jingkhaii ia u Shini na Meghalaya ka long khamtam eh na South Garo Hills, West Jaintia Hills, East Jaintia Hills bad ha Khaii Hills ruh kum juh bad ka jingkhaii beain ka long beit na ki jaka kiba ym pat ker ksainar shiah.
Na ka liang jong ki BSF hapoh ka shispah sanphew kam kaba hap hapoh ka jingpeit jong ki, ki ialeh katba lah ban mym ailat ia ki kam khaii beain ha khappud bad ka Bangladesh da kaba talasi ia ki kali kiba iaid ba ieng ha ki surok ba la tip kum ki Border Road.
