Shillong, Nailur 12: U Director ka tnad ka koit ka khiah u Dr Aman War mynta ka sngi u la iathuh ba mynta ka sngi la ioh jingkhein ba la khlad sa u wei u khynnah samla ba dang 15 snem ka rta ia u ba la tip kyrteng kum u Welldone Boy Marbaniang na Mawpat.
Na ka liang jong u Director u la iathuh ba la leit rah ia u samla Marbaniang sha H.Gordon Robert Hospital Shillong ha ka 10 tarik mynta u bnai na ka jingshitom ban ring mynsiem bad kala don ruh ka jingshit met.
Na ka liang jong ka Hospital kila sumar ia u ha u samla Marbaniang kila sumar ha ka jaka ba la buh kyrpang namar ki suba ba u lah ban don ia ka jingpang COVID-19, na ka liang jong ka Hospital kila leh ia ka Test ha kaba ia dei bad ka COVID-19.
Hynrei shuwa ba kan mih ka resolt jong ka Test u ne u samla u la khlad noh bad ha dien ba la ioh ia ka resolt la shem ba ka kaiphot ka long Positive. Na ka liang jong u Dr War u la ong ba shuwa ban rah ia ka met la dep ban synreit dawai bad kan nym don kano kano ka jingma.
Da ka jingkhlad jong une u samla ha ka 11th/9/2020 baroh kiba khlad ha ka jylla kala kiew sha ka 25 ngut. Na ka liang jong u Dr War u la ban jur ba kam long kaba shngain ki paidbah ki dei ban but ia ki lai tylli ki kyndon, deng ia ki jingda khmat ha ki jaka paidbah, Sait man ka por sha ki kti bad pyniajngai iwei na iwei.
