New Delhi, Nohprah 21: U Myntri Sorkar Pdeng ba dei khmih ia ki tnad Kam Pohiing bad Cooperation, Amit Shah u la ai jingkren ha ka bynta kaba 72 jong ka Plenary jong ka North Eastern Council (NEC) haAgartala, Tripura mynta ka sngi.
U Myntri Sorkar Pdeng Jyotiraditya M. Scindia, Lat ka jylla Tripura, Indrasena Reddy Nallu, Myntri Rangbah ka Tripura, Professor (Dr.) Manik Sahabad u Secretary ka tnad Kam Poh Iing Govind Mohan ki la iadon lang ha kane ka sngi.
Ha kane ka jingialang la wan iashim bynta ruh da ki Lat ka jylla Arunachal Pradesh, Assam, Manipur, Meghalaya, Mizoram, Nagaland, bad Sikkim, ha ryngkat ki Myntri Rangbah ka Arunachal Pradesh, Assam, Manipur, Mizoram, Nagaland, bad Sikkim, ha ryngkat u Myntri ka tnad Community and Rural Development jong ka Meghalaya, ha ryngkat kiwei kiwei ki kynrem ki lyndan.
Ha ka jingai jingkren, u Myntri ka tnad Kam Pohiing u la ong ba hapoh ka jingialam jong u Myntri Rangbah Duh, Narendra Modi, kine ki 10 snem ba la dep ki long kiba kongsan bha na ka bynta ka thain shateilammihngi.
U la ong ba ka rukom ha kaba u Myntri Rangbah Duh u la wanrah ia ka jingphaikhmat ia kane ka thain na kylleng ka pyrthei ka dei kaba la wanrah jingkylla ia baroh kawei ka thain shateilammihngi.
U Shah u la ong ba la slem bha ba kane ka thain ka long tang ka mat iakren ha Delhi, hynrei u Myntri Rangbah Duh u la wanrah ia ka jingpeit bniah ia ka roi ka par lyngba k jingthmu bad ka jingsngewlem jong u.
U la ong ba ha kine ki 10 snem, namar ka jingkyntiew ia ki jingdon jingem bym pat juiohi ha ka thain shateilammihngi, la pynduna ia ka jingjngai jong kane ka thain bad u Myntri Rangbah Duh u la trei ruh ban weng ia ka jingsngew jngai ki briew jong kane ka thain na ka Delhi.
U Myntri ka tnad Kam Pohiing u la ong ba haba u Myntri Rangbah Duh u la phaikhmat dalade sha ka thain shateilammihngi, ka la long ka jingphaikhmat jong baroh kawei ka Sorkar. U la ong ba mynta ka thain shateilammihngi ka don ha ka lynti sha ka roi ka par hapdeng ki jingiar jong ka.
U la ong ba 10 snem mynshuwa, palat 200 tylli ki kynhun jaitbynriew bad 195 jait ki ktien tynrai ha kane ka thain ki long ka jingtlot kaba wanrah shibun ki jingiakulmar. U Shah u la ong ba mynta, haba ngi peit biang ia kine ki por, u dei u Myntri Rangbah Duh uba la pyndep ia ka kam ban pynkylla ia kane ka jingtlot sha ka bor.
U la ong ba mynta, palat 200 tylli ki kynhun jaitbynriew, namar ka jingiar ka deiriti ki la long kiba khring ia ki jingmut jingpyrkhat na kylleng ka pyrthei, bad palat 195 jait ki ktien tynrai ki la don ka bynta ban pynlong ia ka thain shateilammihngi kum kawei na ki jaka ba khlain tam ka biodiversity ha ka pyrthei.
U Myntri ka Tnad Kam Pohiing u la ong ba don palat 7,500 jait ki syntiew ha ka thain shateilammihngi ha ryngkat bad kiwei kiwei ki jaitmrad bad ki jingdon jingem kiba iadei bad ka um. Ka Sorkar Modi ka la shim ia ki sienjam ha kine ki 10 snem ba la dep ban pynneh ia ki jingaiei ka mariang bad ban pynkylla ia kane ka thain sha ka jaka kaba khring bha ia ki nongjngohkai.
U Myntri u la ong ba ka Sorkar Modi ka la pyndep ia ka kam kaba kongsan ban wanrah ia ka shongsukshongsain ha ka thain shateilammihngi. Ha kine ki 10 snem ba la dep, la dep soi katto katne ki jingiakut na ka bynta ka jingiasuk bad kumba 10574 ngut ki samla kiengatiar ki la wan pyndem noh bad ki la wanphai sha ka imlang sahlang kaba la wanrah ia ka shongsuk shongsain ha ka thain shateilammihngi bad kaba la buh ia ka nongrim na ka bynta ka roi ka par. U la ong ruh ba baroh kawei ka ri bad ka pyrthei mynta ki la pdiang ia ka jingong‘Ashtalakshmi’ jong u Modi.
U Myntri u la ong ba mynta baroh kawei ka ri ka kwah ia ka jingriewspah jong baroh ki briew bad ki jylla jong ka thain shateilammihngi khnang ba ka thain ka bteng ban don ka bynta ha ka roi ka par jong ka ri. U la ong ba ha ki 10 snem jong ka Sorkar Modi, la shim ia ki sienjam ban tei ia ki jingdonkam bad iaidshakhmat ha ka lynti jong ka roi ka par.
U Myntri u la ong ba mynta, ka dei ka por ban tei ia ka roi ka par kaba khlain bad kaba ai bynta lang ia baroh ha ka thain shateilammihngi ha kane ka nongrim. U la ong ba ka Sorkar ka la niewkorbeit ia ka thain shateilammihngi bad ba ka thong jong ka Sorkar Modi ka dei ban kyntiew ia kane ka thain ba kan iaryngkat kyrdan bad kiwei kiwei ki bynta jong ka ri da kaba pynsted ia ka roi ka par jong ka.
U Shah u la ong ba ha ka por jong ka Sorkar u Myntri Rangbah Duh ba rim, AtalBihari Vajpayee la sdang ia ka tnad DONER (Development of North Eastern Region).
U Modi u la kyntu ia baroh kawei ka kynhun Myntri jong ka Sorkar Pdeng ban leitjngoh ia ka thain shateilammihngi bad ban sh miet ha kane ka thainbad namar kane ki Mynti ki la pynlut palat 700 miet ha kane ka thain.
U la ong ba u Modi u la wan 65 sien sha ka thain shateilammihngi bad man ba u wan sha ka thain, u la wanrah ia ki jingai sngewbha na ka bynta ka roi ka par jong ka thain.
U Amit Shah u la ong ba ka Sorkar Modi ka la trei borbah ban pynneh ia ka deiriti jong ka thain shateilammihngi. U la ong ba ka dei ka Sorkar Modi kaba la trei ban wanrah jan baroh ki ktien tynrai na ka thain shateilammihngi hapoh ka Eighth Schedule jong ka RitiSynshar.
U Shah u la ong ba ha ki jingiakut bapher bapherna ka bynta ka jingiasuk, ka Sorkar Pdeng ka la pynkupbor bad pynneh ia ki ktien tynrai jong ka thain shateilammihngi bad ka la pynshlur ruh ia ka jingai jinghikai ha ki ktien tynrai jong ka thain. Kane ka la iarap bha ha ka jingpynneh ia ka deiriti.
U la ong ba mynta, ka dei ka por ban shitom ban kyntiew ia ka ioh ka kot jong ka ri sha ka 5 trillion dollar lyngba ka jingkyntiew ia ka thain shateilammihngi. U la ong ba na ka bynta kane, ka tnad DONER bad ka North Eastern Council (NEC) ki dang trei ban pyntreikam ia ka “Act East, Act Fast, and Act First.”
U Myntri ka tnad Kam Pohiing u la ong ba ha kine ki 50 snem ba la dep, ka NEC ka la long ka rynsan kaba kongsan ban iakren shaphang ki jingthrang, ki jingdonkam bad ki jingpynbeit ia ki jingeh bad ka la trei ban long ka lad na ka bynta ka roi ka par jong ka thain shateilammihngi.
U la ong ba ka NEC ka la don ka bynta kaba heh ban pyniahap ia ki polisi jong ka Sorkar India bad ki jylla ka thain shateilammihngi, da kaba pynthikna ba ka roi ka par ka poi sha ki shnong.
U la ong ruh ba ka NEC ka la saindur ia ki jingpynkhreh kam na ka bynta ka roi ka par, ka jingpyniasoh ia ki jaitbynriew bapher bapher bad ka roi ka par bad ka jingpynkhreh ia ka roi ka par jong ka thain da kaba peit ia baroh kawei ka thain kum ka jaka kaba kyrpang.
U Amit Shah u la ong ba u Myntri Rangbah Duh u la wanrah ia ka jinglong jingman kaba bha bad namar kane, ki jylla bad ka tnad DoNER ki hap ban kyntiew ia ka jinglong jingman na ka bynta ki jingbei tyngka. U la ong ba ki lad ka leit ka wan ha kane ka thain kam long shuh shuh ka jingeh bad ka jingpyniasoh bad ka pyrthei ruh kan ym long shuh ka jingeh.
U la ong ba hadien ka Bangladesh Enclaves Exchange, ka jingthmu ka dei ban pyniasoh ia ka thain shateilammihngi bad ka pyrthei bad shen kane kan sa urlong. U la ng ba kane kan pynkhlain ia ki kam karkhana ha ka thain shateilammihngi bad kan plie lad sha ki iew ha kylleng ka pyrthei ia kito kiba bei tyngka ha kane ka thain.
U Shah u la ong ba na ka bynta kane, man ka jylla ka dei ban pynkhlain ia ki kam. U la ong ruh ba ka Sorkar India ka pynshlur ia ki nongbei tyngka ba kin bei tyngka ha ka thain shateilammihngi.
U Myntri ki tnad Kam Pohiing bad Cooperation u la ong ba dang shen, ka Kynhun Myntri jong ka Sorkar Pdeng ka la ri ban sdang lai tylli ki jaka pynmih semiconductor ha ka thain shateilammihngi ban kyntiew ia ki kam shna badpyni ia ki semiconductor.
U la ong ba kawei na kine ki jaka, ka Tata Semiconductor Assembly and Test Private Limited, ka dei ka ban shna ha Assam ha ka jingbei tyngka kaba kumba T 27,000 klur, ka ban long ka jingbei tyngka kaba heh tam haduh mynta.
U la ong ba kane kanplie 20,000 ki kam ha kine ki jaka treikam bad 60,000 tylli ki kam kiba iadei bad kane. U Shah u la ong bad da kaba peit ia kane ka lad kaba don, ka tnad Kam Pule Puthi jong ka Sorkar India ka la pynkhreh ia ki jingpule ha ka jingiatreilang bad ki skulbah ha ka thain shateilammihngi ban ai ka jinghikai kaba iahap ia ki samla. U la ban jur ba kane kanplie shibun ki lad ioh kam ia ki samla ha ki phra tylli ki jylla ka thain shateilammihngi.
U Amit Shah u la ong ba ka long kaba kongsan bha ia ka thain shateilammihngi ba kan khring ia ki jingbei tyngka ha ki karkhana bad ba dei ban pynkhlain ia ki sienjam ban pynsted ia kane.
U la ong ba ka shongsukshongsain ha ka thain shateilammihngikan ym neh tang lyngba ka roi ka par jong ka thain bad ki jylla; ka dei ban don ka jingryntih ha ka jingkiew shaphrang ki briew, ki shnong bad ki jylla.
U la ong ba na ka bynta ka jingkiew shaphrang ki briew, dei ban pynthikna ia ka jingkyntiew ia ki shnong bad ban pynurlong ia kane ha ryngkat ka jingkyntiew ia ki karkhana, ka thain ka dei ban lah ban pyndap ialade ha ka jingpynmih ia ka dud, ki jhur, ki pylleng, ka dohkha bad ka doh.
U la ong ba ki mar organic, ka dud, ki jhur, ki pylleng bad kine ki jait mar ki dei kiba lah ban kyntiew ia ki briew jong ka thain bad ba yn ym lah ban pynurlong ia ka jingthmu ban don ka thain shateilammihngi khlem ka jingriewspah jong baroh ki briew jong ka thain.
U Myntri ka tnad Kam Pohiing u la ong ba ka kam rep organic ka dei kaba iarbha ha ka thain shateilammihngi. U la kyntu ia ki Lat, ki Myntri Rangbah bad ki Chief Secretary kiba la iadon lang ha ka jingialang ba kin iasnohkti lang bad ka National Cooperative OrganicsLimited (NCOL) kaba la seng da ka Sorkar India.
Ka thong jong ka NCOL ka dei ban pyniasoh ia baroh ki nongrep kiba trei ha ki kam iatreilang rep organic bad pynbiang ia ki jingdon jingem ba iadei bad ki jingsong, jingpyniaid iew bad ka jingshalan mar. U la ong ba baroh ki jylla ki dei ban don ki jingiakut bad ka NCOL bad pyniasoh ia ki nongrep bad ka khnang ba ki mar organic jong ki kin lah ban poi sha ki iew ha kylleng ka pyrthei.
U Shah u la ong ba ka Sorkar Modi ka la rai ban sdang ia ki organic certification lab ha man ki jylla jong ka thain bad ba ha ki jylla ba kham heh kum ka Assam, kine kin don ha man ka distrik. Kane kan pynthikna ia ka jingai syrnot na ka bynta ki mar organic. U la ong ba lyngba ki kompani kum ka Amulbad Bharat, ki mar jong ngi kin lah ban poi sha ki iew ha kylleng ka pyrthei.
UAmit Shah u la ong ba man ki jait lad ka leit ka wan ha ka thain shateilammihngi ki long kiba kongsan ia ka Sorkar Modi. U la ong ba ka Mission Palm Oil ka lah ban long ka lad na ka bynta ka roi ka par jong baroh ki jylla ha ka thain shateilammihngi.
U la ong ba ka jingpynmih ia ki oilseed ha ka ri ka long kaba duna bha bad ba ngim lah ban pyndap ialade ha ka jingdonkam ia ka umphniang bam hynrei ka Mission Palm Oil ka lah ban pyndap ia ki jingdonkam ia ka umphniang bam. U Shah u la ong ba haduh mynta, ka don ka jingtyrwa ban sdang 10 tylli ki jaka pynmih umphniang ba thymmai ha ka thain shateilammihngi
U Myntri ki tnad Kam Pohiing bad Cooperation u la ong ba ka Sorkar Modi ka la shim ia ka rukom treikam ba bun bynta ha kaba iadei bd ka jingshngain bad da kaba wanrah ia ka rukom treikam ba kyrpang ha man ka jylla, ngi la jam shaphrang ha kine ki 10 snem ba la dep.
U la ong ba namar kane ka rukom treikam, ka kynhun pulit, shipai, Assam Rifles badki kynhun Central Armed Police Force (CAPF) ki la pynskhem ia ka rukom treikam kaba seisoh bha ha ka thain shateilammihngi. U Shah u la ong ba ha kine ki 10 snem, ki jingiaumsnam ha ka thain shateilammihngi ki la hiar da 71%, bad ba ka jingiap ki briew ka la duna da 86%.
U la ong ba jan 10,574 ngut ki samla kiengatiar ki la wan pyndem noh bad namar ki jingiakut bapher bapher na ka bynta ka jingiasuk, ka Sorkar India ka la lah ban wanrah ia ka shongsukshongsain ha baroh kawei ka thain shateilammihngi.
U Amit Shah u la ong ba u Myntri Rangbah Duh u la sdang ia ka kam na ka bynta ka India kaba lait na ki drok bad ba ka thain shateilammihngi ka don ka jingbahkhlieh kaba heh ha kane namar ka dei ka lad kaba heh na ka bynta ki jingdih pynbuaid kiba rung sha ka India lyngba ki jylla kiba don ha ka thain.
U la ong ba ki la don ki sienjam kiba heh ha kine ki 6 snem ba la dep na ka bynta kane ka kam hynrei ka kam ka dang bun. U Myntri u la kyntu ia baroh ki Lat bad ki Myntri Rangbah kiba iadon lang ha kane ka jingialang ban trei shitom ban pynlong ia ki jingialang ha ki distrik jong ki District Monitoring Committee bad ban pynthikna ia ka jingpeitngor kaba khlain da ki.
U la ong ba ka jingngop ha ki drok ka pynpulom ia ka lawei jong ki pateng ban wan bad ba ka thong ka dei ban tei ia ka India kaba lait na ki drok ha kaba ka thain shateilammihngi ka don ka bynta kaba heh ha kane ka kam.
U Myntri ka tnad Kam Pohiing u la ong ba ki jingpynkhreh ki dang iaidshakhmat ban pyntreikam pura ia ki lai tylli ki ain kiba thymmai kiba iadei bad ki kam beain ha baroh ki jylla jong ka thain shateilammihngi. U la ong ba hadien ba la pyntreikam pura ia kine ki kam, ka hok kan wan hadienlai snem wat ha ki kam kiba jynjar tam, kiba kynthup ia kito kiba poi sha ka Supreme Court.
U la ong ba da ki snem, ka jingpeit bniah ki pulit ha baroh ki jylla ka dei ban ialeh pyrshah ia ki kam lehnoh bad ki jingiaumsnam. Hynrei, mynta ba ka jingumsnam ka la jan duh jait ha ka thain shateilammihngi, ka la dei ka por ban pynthikna ba ki briew ki ioh ia ki hok jong ki katkum ka RitiSynshar ha kaba iadei bad ki jaka puta, ka burom, ka jingiada ia ka longiing kiba don ha kine ki lai tylli ki ain ba thymmai.
U Myntri ka tnad Kam Pohiing u la ong ba kane ka dei ka por ban pynkylla ia ka lynti bd ka lawei jong ki kynhun pulit ha ka thain shateilammihngi. U la ong ba lyngba ka jingwan ka shongsukshongsain ha ka thain, ka jingpeit bniah ka dei ban kylla sha ka jingpynthikna ba ki briew ki ioh ia ki hok jong ki.
Na ka bynta kane, ka long kaba donkam ban pynkylla ia ka rukom treikam, ka jingai jinghikai bad ka jingpeit bniah ki pulit ha man ki jylla jong ka thain shateilammihngi. U la ong ba ka long kaba donkam na ka bynta kane ka jingkylla ban pyntreikam pura ia kine ki lai tylli ki ain ba thymmai ha baroh ki jylla jong ka thain.
U Amit Shah u la kyntu ia baroh ki Lat kiba don ha kane ka jingialang ba kin peit ia kane ka kam namar ka long kaba donkam ba ki briew ka thain ki ioh ia ka hok haba ki ai jingujor.
U la ong ba la sawphew snem mynta, ba ki kynhun pulit ha ki jylla ka thain ki hap ban ialeh pyrshah ia ki kam pyntriem bad ba namar ka kam pyntriem kam dei shuh ka jingeh, ka jingpeit bniah ka dei ban kylla sha ka jingai ka hok ia ki briew. U la ong ba lada lah ban pynurlongia kane, ki hok katkum ka RitiSynshar ba kiwei kiwei ki briew ha ka ri ki ioh kin wan lang ia ki briew jong ka thain shateilammihngi.
UAmit Shah u la ong ba ki jingmang tyngka na ka bynta ka skhim PM-DevINEki long T 6600 klur hynrei kane kan kiew sha ka T 9000 klur. U la ong ba na ka bynta ka jingkyntiew ia ka thain shateilammihngi, ki don palat 111 tylli ki projek ba kynthup ia ki surok, bording, pule puthi, ki jingai jingsumar, ki jingdon jingem na ka bynta ki kam ialehkai bad ka kam jngohkai.
U la ong ba naduh u snem 2014-15, ka mang tyngka na ka bynta ka thain shateilammihngi ka la kiew da 153%, bad lyngba ka Bamboo Mission, ka Sorkar ka la buh ia ka thong ban pynkylla riewspah ia baroh kawei ka thain shateilammihngi.
U Shah u la ban jur ba ka Sorkar Modi kan ai baroh ki jingkyrshan na ka bynta baroh ki lad ka leit ka wan ha ka thain shateilammihngi bad ba kan ym don ka jingduna ha ka mang tyngka na ka bynta kane ka kam.
U Myntri ki tnad Kam Pohiing bad Coopertion u la ong ba ki jingpynkhreh kam kiba kot sha ka T 81,000 ki dei kiba la wanrah na ka bynta ka jingpyniasoh lyngba ki rel bad T 41,000 klur na ka bynta ki surok. U la ong ba la sdang 64 tylli ki jingpynherliengsuin ba thymmai bad ba ia ka kam ba dang sah yn pyndep ha kine ki lai snem ban wan.
U Shah u la ban jur ba ki jylla jong ka thain shateilammihngi ki dei ban pyndonkam ia ka NESAC (North Eastern Space Applications Centre). U la ong ba haduh ynda pyndonkam ia ka teknoloji na ka bynta ka jingkyntiew ia ki phra tylli ki jylla ka thain shateilammihngi ym lah ban pynurlong shisha ia ka roi ka par.
Ha kaba iadei bad ki jingeh kiba iadei bad ki mar bam ha ki jylla ka thain shateilammihngi, u Myntri ka tnad Kam Pohiing u la ong ba da kaba pyndonkam ia ka teknoloji ban wanrah ia ki lad, ka jingbuh kyrpang ka pisa ban tei ia ki surok ka dei kaba lah ban pynduna kumnokumnoda 30%.
U la ong ba da kaba pyndonkam ia ka um na ki jingshlei um bad ka jingshna ia ki pung kiba heh, baroh lai tylli ki thong – ka jingiada na ki jingshlei um, ka kam rep bad ka kam jngohkai – ki dei kiba lah ban pynurlong.
U la ong ba ka Assam ka la tei 15 tylli ki pung kiba heh kum ka jingpyrshang bad ba baroh ki jylla ki dei ban pyndonkam ia kane ka lad na ka bynta ka jingai jingiarap ha ki por shlei um bad ka jinglum ia ka um. U Shah u la ong ruh ba ka jingpyndonkamia ka teknoloji ka pynduna ia ka jingbam sap bad ka iarap ban rah shakhmat ia ki Direct Benefit Transfer (DBT).
UAmit Shah u la ong ba ka biang ban shu don tang ka thain shateilammihngi kaba shongsukshongsain. U la ong ba ka jingpynneh ia ka deiriti ba iar, ki jingsaindur, ki jingthoh bad ki ktien tynrai jong ka thain shateilammihngi, bad ka jingpynthikna ia ka jingneh jong kine ka long kaba kongsan na ka bynta ka thain shateilammihngi bad ia baroh kawei ka ri.
U la ong ba hapoh ka jingialam jong u Myntri Rangbah Duh Narendra Modi, ka Sorkar India ka don lang bad ki jylla ka thain shateilammihngi ban pynbeit ia baroh ki jingeh ba ki iakynduh. U la ong ba u ngeit skhem ba shuwa u 2047, ka India kan long ka ri kaba la kiewshaphrang bad ba ka thain shateilammihngi kan dei ka bynta jong ka ri kaba riewspah tam.
