Shillong, Risaw 17: Ka elelction sha ka iing dorbar thawain ka jylla kan dang sah mynta sa tang kumba saw bnai bad ka jingiakren ia ka tiket kala dang iaid bad la sngewthuh ba ka National People’s Party (NPP) kan pynduh tiket katot katne ngut ki MLA jong kiba na Garo Hills.
Kane ka jingiakren kala iaid bha hapoh jong ka party NPP, na ka liang jong k MLA ka NPP kiba mynta ruh kila sngewthuh la kin ioh ne kin duh ia ka tiket na ka party kaba long MLA mynta, kumba ka long kito ki MLA ki ban duh tiket kila dep ban ia kren bad kiwei ki party.
Wat la kam pat paw pyrthei ia kane ka jingpynduh tiket hynei ki nongialam kiba ha khlieh ka party NPP kila sngewthuh ia no ban pynduh tiket bad ha ka jaka jong ki iano ba kin kane ka long sa tang ka por ban pynbna na ka liang jong ka party.
Katkum kiba peit pyrman ia ka sain pyrthei ha kane ka jylla Meghalaya kila pynsngew ba ka jingiamih ki MLA na ki party kaba ki don don long ha u bnai Nohprah shuwa ka lehkmen Khristmas shuwa ban pynbna ia ka elekshon ha kane ka jylla Meghalaya
