New Delhi, Jylliew 06: Mynta ka sngi ki khlieh nongsynshar bapher bapher jong ka pyrthei kila phone sha u Narendra Modi ban ai khublei ia u ba un sa shimti biang ia ka kam Myntri Rangbah duh hapoh ka Ri India ha ka sien kaba lai, ban ialam ia ka sorkar synroplang.
U Myntri Rangbah Duh jong ka Bhutan, DashoTsheringTobgayu la phone ia u Myntri Rangbah Duh, Narendra Modi mynta ka sngi bad u la kitbokkitrwiang ia u halor ka jingjop jong ka National Democratic Alliance ha ka elekshon sha ka LokSabha kaba 18. U Myntri Rangbah DuhTobgayu la iarohia ka jingialam lynti jong u Myntri Rangbah Duh Modi ha kine ki shiphew snem ba la dep bad u la kitbokkitrwiang ia ka samoi kaba lai.
U Myntri Rangbah Duh u la ai jingsngewnguhia u Myntri Rangbah Duh Tobgay bad u la ong ba ka India ka niewkor bha ia ka jingiatreilang kaba khlain bad ka Bhutan. U Myntri Rangbah Duh u la kren shaphang ka jingkut jingmut ka Sorkar India ban pynkhlain shuh shuhia ka jingdeiparalok bad ka jingiatreilang hapdeng ka Bhutan bad ka India.
Ka jingiadei hapdeng ka India bad Bhutan ka dei kaba dap da ka jingshaniah, ka jingpyrkhat na ka bynta ka jingbha, bad ka jingiasngewthuh jingmut ha baroh ki bynta bad la pynkhlain shuh shuh ia kane lyngba ka jingiadei hapdeng ki briew jong kine ar tylli ki ri bad ka jingiatreilang kaba khlain bha ha ka ioh ka kot bad ka roi ka par.
U Myntri Rangbah Duh Narendra Modiu la ioh pdiang ia ka phone mynta ka sngi na ka Ursula von der Leven, President jong ka European Commission.
Ka President Von der Leyenka la kitbokkitrwiangia u Myntri Rangbah Duh halor ka jingjop ha ka elekshon bad ka la kitbokkitrwiang ruh na ka bynta ka samoi kaba lai ka ban wan. Ka la iarohia ka synsharpaidbah jong ka India bad ka rukom pynlong ia ka elekshon kaba heh tam ha ka pyrthei.
U Myntri Rangbah Duh u la ai jingsngewnguh ia ka President von der Leyenna ka bynta ki jingkitbokkitrwiang jong ka bad u la kren shaphang ka jingiadei kaba khlain hapdeng ka EU bad ka India namar ki jingngeit tynrai kiba iasyriem hapdeng jong ki
U Myntri Rangbah Duh u la ong ba une u snem u long ka lyngkhuh dap 20 snem jong ka jingiatreilang hapdeng ka India bad ka EU bad u la pynskhem biang sa shisien ia ka jingkut jingmut jong u ban iatrei ban pynkhlain shuh shuh ia kane ka jingiatreilang na ka bynta ka bha ka miat jong ka pyrthei.
U Myntri Rangbah Duh u la kitbokkitrwiang na ka bynta ka elekshonEuropean Parliament kaba la sdang mynta ka sngi.
U Myntri Rangbah Duh Narendra Modiu la ioh pdiang mynta ka sngi ia ka phone na u Anthony Albanese, Myntri Rangbah duh jong ka Australia. U Myntri Rangbah Duh Modiu la ai jingsngewnguhia u Myntri Rangbah Duh jong ka Australia na ka bynta ki jingkitbokkitrwiang jong u.
U Myntri Rangbah Duh u la kren shaphang ka jingleit jong u sha Australia ha u snem 2023 bad ka jingiakynduhia u Myntri Rangbah Duh Albanese ha ka G20 Summit kaba la long ha u bnai Nailur ba la dep ha Delhi.
U Myntri Rangbah Duh u la ban biang halor ka jingkut jingmut jong u ban iatrei lang bad u Myntri Rangbah Duh ka Australia ban pynkhlain shuh shuh ia ka jingiakut ban iatrei lang bad ruh ban iatrei lang ha ki kam bapher bapher ha ka thain Indo-Pacific.
U Myntri Rangbah Duh Narendra Modiu la don ka jingiakren phone bad u SretthaThavisin, Myntri Rangbah Duhjong ka Hima Thailand ha ka 6 tarik u Jylliew 2024. U Myntri Rangbah Duh jong ka Thailand u la kitbokkitrwiangia u Myntri Rangbah Duh halor ka jingjop ha kine ki elekshon ba dang shu dep ha India.
Baroh ar ngut ki Myntri Rangbah Duh ki la iakren shaphang ka jingpynkhlain shuh shuhia ka jingiadei ba bun bynta ha ki kam kum ka khaii pateng bad ka jingbei tyngka, ka deiriti bad ka jingiadei hapdeng ki briew jong kine ki ar tylli ki ri.
