New Delhi, Rymphang 08: Ha ka jingai jingkren jong u ha ka RajyaSabha, u Myntri Rangbah Duh u la ong ba ka LokSabha ka kylla man ka san snem katba ka Rajya Sabha ka ioh ia ka jingim kaba thymmai man ka ar snem.
Kumjuh, u Myntri Rangbah Duh u la ong ba ki jingkitbokjingkitrwiang man ka ar snem ki wanrah ia ki jingkynmaw bad ki jinghiar pateng ia ki dkhot ba thymmai.
Ha ka jingkynmaw shaphang ki jingnoh synniang jong u Dr Manmohan Singh, u Myntri Rangbah Duh u la ong, “Namar ka samoi kaba jrong jong u ban ialam ia kane ka iing dorbar thawain jong ka ri, un don ha baroh ki jingiakren shaphang ka synsharpaidbah jong ka ri jong ngi.”
U Myntri Rangbah Duh u la ai jingmut ia ki MP ba kin pyrshang ban ioh jinghikai na ka rukom treikam jong kine ki dkhot ba don burom namar ki dei ki nongialam lynti.
U Myntri Rangbah Duh u la ong ba u kynmaw ia ka por ba une u Myntri Rangbah Duh ba rim u la wan da ka wheelchair ban ai ia ka vote jong u ha ka Iing Dorbar Thaw Ain bad u la ong ba kane ka dei ka nuksa kaba bha jong ka jingbahkhlieh ia la ka kamram.
“Nga ngei ba u la wan ban wanrah ia ka jingkhlain ha ka imlang sahlang,” la ong u Myntri Rangbah Duh. U la kitbokkitrwiang ruh ba un don ka jingim kaba jrong bad kaba koit ba khiah.U Myntri Rangbah Duh u la ong ba ki dkhot ki ban iehnoh na ka bynta ka rynsan paidbah kaba kham heh kin ioh jingmyntoi bha na ki jingshem ha ka RajyaSabha.
“Kane ka dei ka skul bah kaba hynriew snem ia kaba la tei na ki jingshem. Mano mano ba mih nangne ki dei kiba la ioh ia ka jingshemphang bad kane ka pynkhlain ia ka jingtei ia ka ri,” u la ong.
Da kaba pdiang ia ka jinglong kyrpang jong kane ka sngi, u Myntri Rangbah Duh u la ong ba ki dkhot ki ban mih noh mynta ka sngi ki la ioh ia ka lad ban don ha ka iing dorbar thaw ain ba rim bad kaba thymmai bad ba ki mih da kaba sakhi ia ka AmritKaalbad ki 75 snem jong ka RitiSynshar.
Ha ka jingkynmawia ka khlamCovid ha kaba bun ki jingartatien, u Myntri Rangbah Duh u la iaroh ia ka jingskhem jingmut jong ki dkhot ki bym shym la shah ia kanokano ka jingeh ba kan ktah ia ka jingtreikam jong a Iing Dorbar Thaw Ain.
U la pdiang ia ka jingpdiang ki dkhot ia ka jingma ban pyndep ia ka kamra jong ki. U Myntri Rangbah Duh u la ong ruh ba u dap da ka jingsngewsih ban kynmaw ia ki dkhot kiba la duh ia la ka jingim namar ka khlam bad u la ong ba ka Iing Dorbar Thaw Ain ka la pdiang ia kane bad ka la bteng ban jam shakhmat.
Ha ka jingkynmaw ia ka jingphong ia ki jainiong da ka liang pyrshah, u Myntri Rangbah Duh u la ong ba ka ri ka dang kot sha ki kliar ba thymmai ha ka jingriewspah bad kane ka jingleh ka lah ban long ka jingiada na ka sabuit da ka ‘kala tika’ na ka bynta ka jingiaid lynti sha ka roi ka par jong ka ri.
U la kren na ki jingthohkyntang ba hyndai ha kaba u la ong ba kito kiba don ki paralok kiba bha ki ioh ia ki jinglong kiba bha bad ba kito kiba don ki paralok kiba sniew ki shah ktah ha ka rukom kaba sniew.
U la ong ruh ba ka um na ka wah ka long kaba lah ban dih haba ka wah ka tuid bad mar syniakynduh ia ka duriaw, ka kylla um mluh. Da kane ka jingngeit, u Myntri Rangbah Duh u la pynkutia ka jingkren jong u da kaba ong ba ki jingshem jong ki dkhot ba shong thait kin bteng ban ai mynsiem ia baroh. U la kitbokkitrwiangia ki baroh.
