Shillong, Naitung 24: U President jong ka seng FKJGP u bah Dundee C Khongsit la pynaw ia ka jingsngew kmen ban ioh ia ka jingthoh na ka ophis jong u Chief Postmaster General ba la pynrung ia ka ktien Khasi bad Garo kum ka ktien bynrap ban thoh eksam na ka bynta ka kam Gramin Dak Sevaks hapoh Post Ophis.
Haba kren ha ki lat pathai khubor ha dien bala ioh ia ka kot jingpynshisha ba la pynrung ia ka ktien Khasi bad Garo kum ka ktien bynrap, la ong ba mynta ki samla wat kam kila lah ban jied ia ka ktien ban thoh eksam da ka ktien Khasi bad Garo nalor ka phareng.
La ong ba mynta u snem ka Post ophis kala khot aplikoshon na ka bynta ki 683 tylli ki kam ha ki post ophis kiba don ha Meghalaya, mynshem snem ki don 445 tylli ia kiba la dep ban ai ia ki shithi thung kam, hynrei kiba bun kim treh ban trei, ia kine kin sa khot aplikoshon biang.
Ha ki snem kiba la dep dei na ka jingbym shim khia ka sorkar jylla ban pynrung ia ka ktien Khasi bad Garo ban long kum ktien bynrap, ha ka seng kala thoh ia kane sha ka sorkar jylla ha u snem 2023 ba kan ia kren bad ka sorkar pdeng bad mynta ka tnad Ministry Communication Department jong ka Post kala pynrung ia ka ktien Khasi bad Garo bad kane kan long ka jingkyrkhu.
U President ka FKJGP kane ka jingwan jong ki mynta sha kane ka ophis ka long ban ioh ia ka jingshisha namar kila shu ioh jigntip ban pynthikna kila wan ban pan da ka jignthoh ha kaba kila ioh mynta bad kila sngew hun ia kaei kaba kila leh kala sei soh.
