Shillong, Nailur 13: Ka Khasi Students Union (KSU) lyngba ka shnat trei kam ba dei peit ia ki kam ialehkai bad pynneh pysah ia ka kolshor kala pynpaw ia ka jingsngewkmen ba ka Mynken Christian Higher Secondary School kala lah ban poi sha ka jingialehkai phainal jong ka U-17 Subroto Cup International 2024 ha Delhi.
Na ka liang jong ka seng KSU kala pynpaw ia ka jingsngewkmen ba kane ka skul kala lah ban poi haduh ka phainal ha kane ka jingialekai, kampher wat la khlem poi sha ka thong hynrei kila long ki nongjop bad ka jingsarong ia ka jaidbynriew.
Na ka liang jong ka seng kala ai mynsien ba kin dang iaid minot bad ban dang kham pynbha shuh shuh ha ki jingialehkai bad ha ka juh ka por ba kin minot ha ka jingpule ruh bad ban nym tyngkai ia ka sap ka phong kaba ki don.
Kum ka seng kala leit ban ai khublei bad ban ai burom ia ki samla ialehkai kiba la poi sha katei ka thong ban long ba ar ha kane ka jingialehkai kala dei ka burom ia ka skul bad ia ka jaidbynriew.
