Jowai, Jylliew 01: Ka long ka sngi jin
gsah kynmaw kaba khraw iaka Shnong Iooksi baroh kawei ha ka sngi palei namar ka ka ophis jong ka NEEPCO KHEP Umrongso ka la lah ban plie paidbah iaka Madan Phutbol jong ka Shnong Iooksi Iapkhla.
Kum ban shu pynkynmaw ba iakane ka Madan phutbol la theh jingiarap daka NEEPCO lyngba ka CSR & S Scheme 2015-16 , bad 2016-18 ha ki ar bynta (phase) kata haka phase 1 haka dor 4,96,058 Tyngka naka bynta ban ot khyndew (earthwork) bad haka phase 2 pat naka bynta ban shna iaki Jaka shong paidbah (sitting Gallery) haka dor 15,75048 tyngka.
Ha kane ka jingplie paidbah iakane ka madan lawan ban plie iaka pyrda jong u Mot Sah Jingkynmaw da u General Manager ka Neepco KHEP Umrongso , Assam u Debotosh Bhattacharjee , u Asst. Administrative Officer HRD KHEP Umrongso u A Sinha , bad kiwei kiwei ki heh ka NEEPCO , nangta u Waheh Shnong Ka Iooksi Iapkhka u C Tangliang, U Ma Nehemaya Tyngkan, Ki Nonghikai skul, Ki Khynnah Skul , ki dkhot bad Nongialam ka KSU Iooksi Unit, ki dkhot ka IYWSC bad kiwei kiwei ki riewpaidbah ka Shnong Iooksi.
Iakane ka Jingialang la pyniaid da u Samla Nangaibormi Sutnga Finance Secy ka KSU Jaintia Hills District Unit, bad la ioh ban ai jingkren na u Samla Nehemaya Tyngkan , U General Manager ka NEEPCO bad u Waheh Shnong .
Haka ai jingiakren haka Jingialang u samla Nehemaya Tyngkan ula ai khublei iaka NEEPCO kaba la kloi ban pynioh iaka skim ban pynbha iaka madan phutbol haka Shnong Iooksi. Bad u la kyntu ruh iaka Neepco ban ialeh ban nang pynioh shuh shuh iaki skim jingiarap iaka shnong haki sngi ban wan,Ula iaroh ruh iaka KSU Iooksi Unit kaba la ialeh shitom ban leit pan naka Neepco iakat katei ka skim.
Katba na ka liang u GM ka NEEPCO KHEP pat u la pynpaw iaka jingkmen ban iohi ba kane ka madan ka la wandur bad itynnad bha. “Nga dap daka jingsngewkmen ban iohi ba kane ka madan ka don ha syndah jong ka iingskul” la ong une u heh ka NEEPCO, bad u la bynrap shuh shuh dakaba ong ba ka Madan ka pynkiew ia ki samla haka liang ka kam ialehkai sport katba ka Ingskul pat ka ai jinghikai iaki khynnah haka liang ka jingnang jingstad.
“Kine baroh ar tylli ki pynioh jingmyntoi shibun iaki khun samla ka shnong ban kiew shaphrang bad kumta nga kyrpad iaki paidbah nongshong shnong ban sumar bha iakane ka madan ban ban ialeh ban pynbha iaka katba lah” la ong utei u Heh ka NEEPCO.
“Ngi kloi ban ia trei lang naka bynta ban leh iakiwei kiwei pat ki kam jingbha khamtam ban pynioh iaki skim jingiarap kiba donkam ” u la ong shuh shuh. Naka liang u Waheh Shnong ka Shnong Iooksi ula ai khublei iaka NEEPCO kaba la ai iaka tei ka madan daka jingialeh dohiap ka KSU Iooksi Unit kaba la lah ban wanrah iakat katei ka skim haka shnonh ka thaw.
Hakane ka sngi kum ka dak ban pyllait paidbah iakatei ka Madan naka liang u GM ka NEEPCO u la plie pyrda iaka Tei ka Madan bad ruh hakajuh ka Por ula ai daka Syrnod pynkhamti sha u Waheh Shnong ka Shnong Iooksi Iapkhla kaba long kum shibynta ban aiti iakatei ka madan sha ka Shnong.
