Shillong, Iaiong 03: Ka dorbar shnong Quallapaty mynta ka sngi kala kner ban ia rap ia ki 100 ngut sam na ki long iing kiba duk da u Khaw, u Dai, ka Mluh bad u Khaw ia kane ka jingsam la pynlong ha skul Presbyterian kaba don hapoh shnong.
Shuwa ban sam ia ki jingiarap sha ki paidbah, u Bah Martamlin Pyrbot rangbah shnong u la iathuh ba kine ki jingiarap kila wan na u Pradip Agarwal ha kaba u la ai 10 byrni u khaw ba 50 kilo, Dai 100 kilo, Phan 200 kilo, umphniang 240 bilor ba 200 ml, ka Shillong Marwari Communityi kala ai lai byrni u khaw ba 50 kilo, 30 bilor ka umphniang bad 30 kilo i dai.
U Bah Martam u la ong ba kane jinghiran kala ktah ia ka pyrthei baroh kawei, kiba la shah ktah eh ki dei ki nongbylla, ka dei ba ka sorkar ka phah plie ia ki dukan hynrei kiba bylla kin nym don pisa ban thied namar kim ioh ba leit bylla, dei na kane ka daw ba kine ki jingiarap ba la ai mynta ka sngi na ka liang jong ka shnong ka jied kyrpang tang kum kita ki long iing kiba kyrduh shisha.
Ha ka jingkren u Bah Joe Bareh secretary shnong u la ong ba ha kum kane ka por ym dei ban ia peit briew hynrei kum ki briew dei ban iarap iawei iawei pat khlem da niew tang, kaba kongsan ha kane ka por ka long ban kynmaw ban duwai ba u nongbuh nongthaw yn map ia ki lait kilet jong u khun bynriew shatlak ka pyrthei ban weng ia kane ka jingpang na ka sla pyrthei. Ha kane la ioh ruh ia ka jingkren na u Guatam Agarwal khun jongu Pradip Agarwal ha ka jingiadonlang ki nongkit kam shnong.
