Shillong, Naitung 24: Hadien ka jingwan kynduh ka KSU Lummawbah Unit bad u Chief Engineer Roads , Public Works Department, ka sorkar Meghalaya, ha ka 24 tarik Naitung 2024 ha ophis treikam ha Lachumiere.
Kne ka jingiakynduh ka long halor ka jingsngew bad jingjot palat jong ka surok shnong kaba lah buh jingma bad jingshitom ia kiba bun balang khamtam iaki trai shnong bad iaki khynnah skul nalor ka surok ka lah long lupa kaba rit.
Ka jingiakynduh ka long hapdeng ki nongialam ka KSU Lummawbah Unit naduh u President samla Hopefulborn L.Mawnai , samla Nangshngainbha Lakiang General Secretary , samla Bansan Kupar Thabah Publicity Secretary , samla Shngaiñlang Sohkhlet President KSU Upper Shillong Circle bad U Chief Engineer PWD Roads .
Ka seng ka la pynsngew na sha u Chief Engineer ka long ban maramot pynkloi ban shna ia ka surok shnong Lummawbah bad ban pynsted ia ka jingtreikam ban pynbha khnang ba kan wanrah ia ka jingshngaiñ bad ka jingsuk ha ka leit ka wan jong kiba bun balang.
Ka Seng ruh ka lah pan ia ka jingpynshai na U CE halor ka jing pynslem ban shna pynbha ia ka surok ha kaba u la jubab ba ka don ka jingpynslem na ka liang jong kawei pat ka department kaba don ka jingia treikam lang.
Hadien ka jingiakren kaba lyngkot , u CE u lah kular ban shim khia ia ka kam bad ban pynsted ban maramot bad ban pynbha ia ka surok shnong Lummawbah.