Jowai, Iaiong 30: Ka jingiakynduh mynta ka sngi hapdeng ki nongialam jong ki 5 tylli ki seng ka Jaintia SRS-EJH, AJYWO-CGB, KSU-JHDU, HNYF-EJZ bad ka FKJGP-KC bad u Deputy Comissioner ka EJHD, ka ka la long kaba seisoh ha kaba u DC, u Bah WR Lyngdoh u la kular ha khmat ki san seng ba ka jingmaramot ia ka NH 44 kan sdang noh naduh lashai ka sngi ha ki bynta ba la sniew palat.
U DC ka EJHD u la pyntip shuh shuh sha ki nongialam jong kitei ki san seng ba ka NHAI ka la sanction pisa 5 klur tyngka sha ka tnad PWD (Roads) jong ka sorkar jylla na ka bynta ban sdang ia ka kam wut wut na ka sanction kaba ka la PWD ka la mang haduh 24 klur tam na ka bynta ban maramot ia katei ka surok kaba la sniew palat.
“Namar ka jingkular jong u DC ka EJHD ban sdang maramot noh ia ka NH 44 lashai ka sngi, ngi la weng shwa shipor ia ka jingiakhih jong ngi bad ngin sa peit lada ka sorkar kam bat la ka kular ngin ym sngap shuh ia ki kyntien jail jaum jong ka sorkar hynrei ngin iaid beit sha khmat da ki jingiakhih kiba tyngeh”, ong u kyrwoh na ki san seng.(SP News)
It’s impressive that you are getting ideas from this
piece of writing as well as from our argument made here.