Shillong, Jymmang 25: Mynta ka sngi ka “Headquarters 101 Area bad ka Rajya Sainik Board, Meghalaya” kila pynlong ia ka jingialang jong ki shipai bala shongthait ha Assam Regimental Centre ha Happy Valley, Shillong. Ha kane ka jingialang baroh kiba la ia poi long 800 ngut kiba dei na kane ka jylla Meghalaya.
Ha ka jingkren u Lat jong ka jylla u Tathagata Roy kum u kongsan ha kane ka jingialang, u la ong ba u ai ka jingiaroh ia ki shipai kiba la shong thiat kiba la ai ka jingshari ia ka ri bad u la kular ban ai baroh ki jingiarap kiba dei na ka sorkar. Ha kane ka jingialang u Major General PK Saini, officiating General Officer Commanding, Headquarters 101 Area bad kiwei ki heh shipai ruh kila ia don lang.
La pynlong ia kum kine ki jingialang ka long namar ki shipai kiba la shongthiat, ki shipai kiba la mynsaw bad ki kurim jong kiba la khlad noh u kurim ki long kum kawei ka iing ka sem ia kaba ym lah ban pyniakhlad bad la huh ia ka phang pdeng “ Kum ka snem jong kiba ha iing ha sem”. Ha kane ka sngi la lah ban pynbeit ruh ia shibun ki jingeh kiba ia kynduh da ki shipai kiba la shongthait.
