Shillong, Nailar 01: Mynta ka sngi ka KSU kala ia kynduh ia u Shongknor jong ka MPSC ha kaba la don lang u Secretary ha kaba ka seng kala dawa ban pynlait paidbah ia baroh ki mark jong ki samla kiba la ia khun ia ka MCS eksam.
U Samla Ryben Najer shongknor jong ka committee ba dei peit iohkam ioh jam jong ka KSU seng kmie la ong ba ha kane ka jingiakren u shongknor ka MPSC u la kubor ban pynlait paidbah ia baroh ki marak kiba la ioh da ki samla kiba la thoh ia ka eksam MCS na ka bynta kito kiba la pass bad ki bym pass ruh.
Ha kane ka jingiakynduh na ka liang jong ka seng kala buh ka jingdawa bad ka kam MPS, kum ba phi iohi ba kin khot ia ka interbiew tang 27 ngut, ha ka jingshsha ki dei ban khot haduh kumba 42 ngut katkum ka ratio.
Haba ia dei bad kane ki la ong ba ka jingiatynkhuh bad ka ain hynrei kin sa pyntip, hynrei ka seng ka dawa ba dei ban khot ia ka interbiew kumba la pynpaw ha ka jingpynbna khot thung kam.
Haba ia dei bad am statistical Officer kila pynpaw ba ka don ka jingbakla naka liang jong ka ophis, kum ka seng kam lah ban shaniah ba kumno kat ka ophis jong ka MPSC kan dang don ka jing bakla, la ong ba ha ka jingshisha ki don ar tylli ki kam hynrei namar ka jingbakla type la ong ba don tang kawei ka kam balait.
Na ka liang jong ka seng ka dang phah khyndang ia ki kot sla, ha kaba la ong ban sa pyntip sa ka seng, kane ka jingleh ka seng KSU ka long tang kaba rit namar la juh iohi ia ka jingbakla jong ka MPSC namar kane ka dei kaba ki samla wad kam ki juh mat na kapor sha ka por.
Kane ka jingleh ka seng ka long kaba rit eh bad kum kane k kynrum kynram kan dang iai don beit katba ym pynkylla ia ka MPSC, katba dang don ki shongknor bad ki secretary kiba dang thung da ki ki seng sain pyrthei kin dang iaid jia.
Ka seng kan sa leit ban ai jingthoh sha ka sorkar ban dawa ba dei ban pynkylla ia ka MPSC bad ka jingdawa ka long ban weng ia ka jingthung ia ki briew kiba don ka jingiajan bad ki seng sain pyrthei bad kin dawa na ka bynta kane ka kam MPS bad MCS ka dei ban long man u snem namar kane kan long kum ka jinghikai ia ka UPSC.
Ka seng kan dawa ba ia ki kam kiba lait dei ban pyndep noh hapoh ka shisnem ym bam pynslem saw san snem kane ka dei ka jingdawa kaba kin sa buh ha khmat ka sorkar ha ba ia dei bad ka jingpynthymmai ia ka MPSC.
