Shillong, Naiar 01: Mynta ka sngi ka seng HYC kala ia kynduh ia u Vice Chancellor ka NEHU u Prof. P. S Shukla ha ka jingdon ryngkat ka shongknor ka Dr. Syngoh NEP implementation committee kane ka skul bah ba dei na ka Education Department.
Haba kren ha ki lat pathai khubor u President ka seng u bah Robertjune Kharjahrin la ong ba ka jingwan ia kynduh ka jong ki ia u VC ka long ha dien ba kila iohi ba kila mih ar tylli ki sur ha ka jingpyntrei kam ia ka NEP-2020 kaba la shim ia ka rai ban pyntreikam noh da ka NEHU.
Kumba phi iohi ha dien ba ka NEHU kala shim ia ka rai ban pyntrei kam ia ka NEP-2020 , ha kata ka jingpyntreikam kaba kn iaid noh kham shakhmat, kaba mut ba kito ki kolej kiba lah ban pyntrei kam kin sdangnoh bad ki bym pat lah ki dang lah ban but ia ka rukom pyniaid kaba rim.
Halor kane kala mih ka sur, don kiba pdiang ia ka bad kala mih ruh ka sur wat na ki nonghikia kila pynpaw pyrshah, wat kila pynsangeh ban hikai, kane kala pynlong ia ka seng ban wat jingeh lada pyntrei kam ia ka NEP, kaei ka jingbha lada pyntrei kam bad kiei ki jingeh lada ympyntrei kam ia ka NEP.
Ha kane ka jingiakynduh kila buh ki jingkylli shibun, kaba kila buh hakhmat hato ka NEHU kan ai ne em ia kata ka jingkyrshan ia ki kolej kiba don, namar haba pyntrei kam ia kano kano ka polisi kaba thymmai don kam ia ka jingkyrshan,hato kan don ne em ka jingkylla ha ka syllabus.
Kan don ne em baki kolej ki hap ban pynbiang ia ki jingdon kam lada don kam ban pynbiang ,ia kane ka jinglut ka long mano ban siew ia kita, namar kaei kaba ki tip ka long ba ki hap ban siew ki samla pule namar leh se kan don ka jingkiew ka bai pule, hato la biang ne em kito ki tiar ban hikai na ka liang jong ki nonghikai bad ki samla pule khamtam ia ki kot.
Ka HYC ka sngewthuh ba iaka rai dei ban shim da ka Executive Academic Council kam dei da ka Executive Council, kumka seng kala pan jingpynshai bad ka jigndawa na ka liang jong ka HYC na ka NEHU ba u VC u dei ban shim ia ka jingkit khlieh ban pynbeit ia kine ki kynrum kynram kiba la mih ha kine ki taiew bad u dei ban khot ia ka jingialang kaba kyrkieh ba ki Principal jong ki college bad na ka sorkar kidei ban don lang.
Na ka liang jong u VC u la ai ka jingkular ba yn sa khot ia ka jingialang jong baroh ki Principal, ki nongmih khmat na ki nonghikai, ia ki briew jong ka sorkar jylla bad kum juh ia ki seng bhlang ban ioh ban ia kren ba kan nym mih shuh ki kynrum kynram, la ong ba lada pyntreikam ia ka NEP ka jingioh nongkan long ia ki samla pule bad la pynshia ruh bun kiwei kiwei ki jingmyntoi ba ki samla pule kin ioh.
