Shillong, Risaw 11: Mynta ka sngi u Keith Newman u ba dei na ka World Bank u ha ka jingiadon lang u Chief Executive Member jong ka KHADC u bah Pyniaid Sing Syiem u la leit ban ia kynduh ia u Syiem jong ka Hima Mylliem u Pa,Im Ainam Manik Syiem bad ia ki myntri ban ia kren halor ka jingkhuid suba ka Iewduh.
Kane ka dei ka sin kaba nyngkong ba ki briew jong ka World Bank ba kin ia kynduh ia u Syiem jong ka Hima Mylliem kaba dei peit ia ka Iewduh ka iew tynrai kaba heh duh ha North East India kaba don ruh nongbah jong ka jylla.
Haba kren ha ki lat pathai khubor u myntri ka Hima Mylliem u bah M Kharlukhi la ong ba kum ka hima ka sngew kmen ban pdiang burom ia u CEM jong kaKHADC ba la wan ialam ia ki briew jong ka World Bank ban ia kren ia khuid ka suba jong ka Iewduh.
Na ka liang jong ka Hima ka khmih lynti ba kin sa ioh ia ki lat ki lynti kumno ban pynbha ia katei ka iew kaba don nam ha kane ka jylla Meghalaya, laiathuh ba ka jingmih ka jaboh ki niut kinier na kane ka iew ka long haduh khatsaw trok man la ka sngi, ka long kaba eh tang ka hima marwei ban ia leh ia kane ka jingeh.
La iathuh ba na ka liang jong ka hima kala wat ia ki lat ki lynti na ka sorkar na ka District Council ban pynioh ia ki jingiarap na ka bynta ban pynbha ia kane ka iew kaba don ha pdeng jong ka nongbah Shillong bad ka iew kaba heh tam ha North East ki khmih lynti ba kin sa ioh ia ki jingiarap ban pynbha ia kane ka iew.
