Shillong, Iaiong 20: U Chief Executive Member, ka Khasi Hills Autonomous District Council, u Bah Titosstarwell Chyne, u la kyrpad ia ki nongsynshar shnong ba kidei ban ai ka j
ingiatreilang bad ka sorkar jylla na ka bynta ban iakhun iaka jingsaphriang ka jingpang COVID-19 ha ka jylla.
Na ka liang jong u CEM u kyntu ia ki khlieh nongsynshar, ki seng samla, ki seng kynthei bad kiwei kiwei ban ia mih shakhmat ban ai ka jingiatreilang bad ka sorkar ban iakhun ia une u khniang jingpang bad ban bud ryntih ruh iaki jingbthah jong ka sorkar jylla.
Ka jingiatylli lang jong baroh ka long kaba donkam tam ha kane ka por kaba mynta ban wanrah iaka jingshngain ha ka jylla bad ha ka ri baroh kawei. Nga pynpaw ka jingsngewnguh ia baroh kito kiba trei ha ka koit ka khiah kiba la trei shitom met bad mynsiem ban tehlakam ia kane ka jingpang bad ha kajuh ka por na kyrpad ia ki bor shnong ba kidei ban burom ia kine kum ki nongialeh bad ym dei ban ibein iaki.
La air uh ka jiingiaroh ia baroh ki MDC kiba la trei shitom ha ki constituency ki jongki ki Dorbar shnong, Seng Samla bad ki seng Bhalang kiba la ia trei shitom ban iarap ia ki paidbah nongshong shnong ha kiba bun ki liang bad nga kyrpad ba kin nang bteng ban trei shitom da kaba iatreilang bad ki bor sorkar ban ialeh pyrshah ia une u khniang jingpang bad ngin buh ha ki jingduwai ba u Blei yn iada iaka jylla bad iaka ri baroh kawei.
