Shillong, Risaw 14: Ki shipai BSF kiba ap pahara ha khappud bad ka Bangladesh ha East Jaintia Hills District kila ioh ban kurup ia ki song kiba la buh ha khappud bad ka Bangladesh da ki briew kiba ym lah ban tip bad la suba ba ka don ka jingthmu ban phah sha Bangladesh.
Ki BSF na ka kynhun 172-Battalion kila ioh ban kurup ia ki bun phew tylli ki song bala song bha ha ki synduk kot bad haba la plie la shem ba ki dei ki dawai kiba la thmu ban shallan sha Bangladesh na East Jaintia Hills District bad kine ki dawai kila palat ia ka shiklur tyngka.
Ki pulit ha dien bala ioh ia ka jingtip ba ki don ki briew kiba mut ban hiar sha Bangladesh ha ki thain Dona ha East Jaintia Hills Distric bad kine ki dawai kiba la tip kum Cannula bad kine ki dawai kila lot palat shikl;ur ka dor jong ki, ia ki la aiti sha ki Customs jong ka Badarpur ban leh ia kaba don kam.
