Maligaon, Nailur 26: Ka kynhun pulit Railway Protection Force jong ka Northeast Frontier Railway haba kila ioh ia ka jingtip ba don ki briew kiba rah ia ki Dkar kiba la niew kum ki mrad bala jan duh jait bala kit beain hapoh ka rel no. 13176 Silchar – Sealdah, Kanchenjunga Express.
Mar ia ioh ia kane ka jingtip la pyntip sha baroh ki station rel bad ki RPF jong ka Lumding Railway Station kila pynlong ia ka jingkhynra ia ka rel kaba dang wan na bad ha kane ka por kila iohi lai tylli ki synduk bala thep ha ki pla kit bad kane kala pynsuba ia ki pulit.
Haba la plie ia ki pla kiba la buh ha khrum jong ki jaka shong hapoh ka Rel la shem ba ki don haduh 74 tylli ki Dkar bad haba la tohkit la shem ba ia kine ki Dkar la thep na Silcahr ban pynpoi sha Guwahati bad ha kane ka jingjia la ioh ban kem ar ngut ki briew kiba wan kit.
Ha dien kane la aiti noh ia kine ki Dkar sha u ophisar ka tnad khlaw jong ka Lumding bad ka kynhun jong ki ophisar kila wan ban shimti bad ia kitei ki ar ngut la resgiter mukotduma pyshah ia ki ha ki kyndon ain No- L-05 of 23-24 bad hapoh ka U/S -50,51,39,44,48(A) of Wildlife Protection Act – 1972. Ia ki la rah sha iing bishar hapoh ka Lower District Court of CJM jong ka Hojai Mynta ka sngi.
