Shillong, Jylliew 25: Ki Pulit jong ka Ri Bhoi mynta ka sngi kila ioh ban bat ia kawei ka kali kaba dang kiew na Assam sha Meghalaya kaba don ia u number AS-01MA-2296 bad na kane ka kali ioh ban kurup u drok heroin 103 gram.
Ki pulit kila kem ia u wei u briew ba don ha kane ka kali bad kila kurup ia katei ka kali Swift , kane ka jingtu ki nongkhaii drok sha Meghalaya ka jingma ia ki khun samla ka jylla bad kane kan long ka jingma ia ka pateng, la kyntu ia ki paidbah ban ia treilang ban ia khun pyrshah ia kane ka jingsniew.
Ha kawei pat ka jingjia ki pulit kila ioh ban bat ia kawei ka kali kaba na Assam kaba don ia u number AS-11C5741, ki pulit jong ka East Jaintia Hills District kila ioh ban kurup 100 kilo u Ganja bala song bha la ioh ban kurup ia kine na Lumshong.
Ki pulit kila kem ia ar ngut ki briew kiba don hapoh katei kali bad kine ki dei na ka jylla Tripura na ka liang jong ki pulit ka jingiakhun pyrshah ia u drok kam dei shuh tang ia ki nongdie madan hynrei kaba kongsan ka long ia ki wan shallan sha kane ka jylla.
