Shillong, K.Lyngkot 08: Ki shipai Border Security Force kiba dei na ka 55 battalion ha dien ba kila ioh jingtip kila pynlong ia ka jingap ktem bad la ioh ban kurup da ki bun tylli ki than jain saree ba thmu ban phah sha Bangladesh.
Kane ka jingioh ban kurup ia kine ki jain saree dei na South Garo Hills District, ia kine ki jain saree kiba la ioh ban kurup ki dei kiba la song bha ban phah sha Bangladesh, ia kine ki jain bala ioh ban kurup la aiti sha ki Kustom ban leh ia kaba don kam katkum ka ain.
Na ka liang jong ki BSF kiba don ha khappud bad ka Bangladesh ki juh peitngor bha ia ka khaii beain hapoh khappud bad ka Bangladesh bad kine ki jain kiba la ioh kem ki nongkhaii beain kila thmu ban phah sha Bangladesh.
