Shillong, Risaw 17: Mynta ka sngi ki pulit jong ka East Jaintia Hills District kila ioh ban kurup ia u drok pynbeitmat kaba la tip kum “Amphetamine” bala kot haduh 1.017 kilo, na u Joseph Hmangaih Zuala 46 snem ka rta.
Ki pulit jong ka East Jaintia Hills District mynta ka sngi kila ioh jingtip ba don u wei u briew ba kyrteng u Jospeh u la mih na Aizwal ban leit sha Guwahati u ba la kit bad u kynja jigndih buaid na ka liang ki pulit kila pynlong ia ka jingap ktem.
Ha kane ka jingpynap ktem, kila bat ia ka kali Night Super kaba don ia u number ASO1-LC-6216, na surok bah NH-6 ha ka jaka bala tip kum ka Nongsning bad ha ka jingtohkit la lap ia u tei u briew na kane ka Bus bad ki pulit kila rah ia u.
Ha dien bala dep ban pyndep ia baroh ki kyndon ain baroh ki pulit kila register mukotduna pyrshah ia u tei u briew hapoh kyndon NPDS Act namar ia u Amphetamine la niew beain ban rah bad ban die ia u la pyndon kam kum drok pynbeitmat.
Na ka liang ki pulit ki kdew ba ia u ne jingdih pynpeitmat la phah pat sha ka ri Dewlynong bad ha kane ka ri ki sa shna ha ka dur jong ki dawai kuli, wat la ka khubor na ki pulit khlem kren shai hynrei dei ka Ri Srilanka ka ri Dewlynong kaba jan bad ka Ri India.
