New Delhi, Iaiong 14: Ki shipai Duriaw na ka shnat Indian Coast Guard (ICG), ha ka jingiatreilang bad ki pulit ka jylla Gujrat kaba la tip kum ka Gujarat Anti-Terrorist Squad, ha ka 12 bad 13 tarik mynta u bnai 2025 ha ka jingkhynra kila ioh ban kurup haduh 300 kilo u kuli methamphetamine ha kaba la shongdor haduh T.1,800/- klur tyngka.
Katkum ka jingtip kaba la ioh na ka tnad syntiat jong ka jylla Gujrat, la pyntip ba ka jhad ICG na ki kynhun shipai CGR jong ka thian sepngi kaba la pyndon kam ha bun ki rukom ban pahara ha ki bynta ba shatei jong ka jylla Maharashtra bad Gujrat kila ioh ban bat ia kawei ka jhad kaba wan hapoh u bud jong ka International Maritime Boundary Line (IMBL).
Haba iohi ba ka Jhad ICG kala tur sha ki ki lieng kiba la wan kit ia ki kuli pynbuaid kila bret ia ki song bala song ia ki kuli sha duriaw bad ki shipai duriaw mardor kila khwai ia kine ki song kiba la bret na ki lieng kiba la suba ba ki kit ia kine ki kuli pynbuaid.
Na ka liang jong ki shipai duriaw kiba don ha ka Jhad ICG kila beh iua ka ling bad kila ioh ban kem bad la ioh ruh ban khwai ia ki song bala bret ha um, ia ki kuli kiba la ioh kurup la wanrah sha Porbandar da ki jhad ICG ban tohkit kham bniah.
