Shillong, Kyllalyngkot 19: Ha dien ba la pynbna ia ka elekshon sha ka iing dorbar tahwain ka jylla ki pulit ha kylleng ki bynta ka jylla kila pyrkhing ban ban khynra ia ki kali kiba iaid ba ieng ban peit ioh don ba kit kyiad ne pisa.
Ki pulit jong ka South Garo Hills katba ki dang ap pahahra la wan kawei ka trok rit bad haba la khynra la shem ba dap da ka kyiad, kane ka kyiad kaba la ioh ban kem ka don haduh 3785.03 litter ka kyiad pahreng bad ka shongdor haduh T.10,61,552 lak tyngka.
Ha Ri Lum Garo kane ka jingioh kem kyiad ha kane ka por elekshon kala dei ka sien kaba lai bad ka pisa ka long shisien ba kila ioh ban kurup na ka liang jong ki pulit kin sang pynkhain shuh shuh iakane ka jingpahara ban peit ba kan nym don kano kano ka jingsam kyiad ei por elekshon.
