Shillog, Nailur 20: Ki shipai BSF kila ioh ban pynpulom ar tylli ki jingthmu ban shallan beain sha Bangladesh, kawei ki reng muid bad kawei pat ka kyiad, kine kila ioh kurup ha ka por ba dang thmu ban phah sha Bangladesh.
Ki BSF kila bat ia kawei ka kali ha khappud Bangladesh bad haba la peit ia ki mar kiba ka kali kala kit la shem ba baroh shi kali kidei ki reng muid kiba la kit ban phah sha Bangladesh ia kine ki reng la thep ha ki byrni.
Ha kawei pat ka jingioh kurup ki shipai BSF mynta ka sngi kila ioh ban kurup bun tylli ki song kiba la buh ha khappud sha ban phah sha Bangladesh bad haba la plie la shem ba ki dei ki kyiad kiba la song ha ki synduk kot bad haba khein dor kila kot sha ka T.13 lak tyngka.
Ki BSF kiba don ha khappud ki long kiba peitngor bha ban pynthikna ba kan nym don ka jingiakhaii beain sha khappud bad ka Bangladesh bad kin dang iai pynpyrkhing shuh ban pynthika ka kan nym don ka jingkhaii beain sha Bangladesh na India.
