Shillong, Nohprah 13: Ki Pulit katba ki dang talasi ia ki kali kiba iaid ha surok bah NH-6 ha lat Mawyngkneng kila ioh ban bat ia kawei ka kali Alto kaba don ia u number ML-11-1605 bad haba la talasi la shem ba ki don 12 tylli ki klong bad la pyndap da ka kyiad Pyrsi.
Katkum ka jingiathuh jong ki pulit kine ki klong ki dei kiba 20 litter bad haba la khien lang ka kyiad kala poi sha ka 240 litter, ki pulit kila kem ia ki lai ngut ki briew kiba don hapoh kane ka kali bad la register ejahar pyrshah ia ki hapoh ka kyndon ka Meghalaya Excise Act.
Kane ka jingkhynra khynra jong ki pulti ia ki kali ba iaid ba ieng ka long ban ialeh ban teh lakam ia ki jingsniew khamtam ka jingniah kali buiaid, namar bun na ki jingiatyngkhuh kalai ka dei na ka jingdih kyiad jong ki nongniah ia ki kali bad kane byn sien ka wanrah ia ka jingsngewsih.
