Shillong, Jymmang 16: Kawei ka bus kaba kit ia ki briew ba wan phai na Chennai ban leit sha duh Baghmara jong ka South Garo Hills District kala kylla ynda kala poi ha jan Dudnoi bad ha kane ka jingkylla u Draibar, u nongbud bad saw ngut kiwei pat kila mynsaw ia kiba mynsaw la pynkit sha ki jaka sumar.
U Deputy Commissioner jong ka North Garo Hills District haba kren ha u SP News Agency u S C Sadhu u la iathuh ba ka dei ka jingshisha ba kawei ka bus kaba kit ia ki briew na Guwahati ban wan buh ia ki briew kiba wan phai na Chennai kala kylla ha jan Dudnoi bad u nongniah ia ka bus bad u nongbut kila mynsaw, la don ruh kiwei kiba la mynsaw ha kane ka jingjia kylla ka bus.
Na ka liang jong u DC ka North Garo Hills u la iathuh ba kane ka Bus ba kit ia ki briew kiba wan phai kam dei eh tang ban buh ia ki briew jong ka North Garo Hills hynrei ha kane ka Bus ki don kiba na East Garo Hills bad na South Garo Hills namar kane ka bus kan leit sha Baghmara.
Ha kane ka jingkylla ka Bus ba kham mynsaw dei u nongniah bad u nongbut kane ka bus , kiwei kiba don ha kane ka bus kiba mynsaw ki long malu mala bad ia ki ruh la rah ban phah sumar. Ban pynpoi ia ki briew kiba don ha katei ka bus la phah noh da kawei pat ka Bus.
Ha kawei pat ka khubor na ka liang jong u myntri rangbah ka jylla u Cornad K Sangma lyngba ka twitter u la pyntip ba baroh kiba dei na Khasi Hills, Jaintia Hills bad Garo Hills kila poi sha ki jaka ba la buh ban test iaki, u myntri Rangbah u ai khublei kyrpang ia ki Doktor, ki Nos bad ki nongtrei ka koit ka khiah kaba kila trei shitom ha kum kane ka por.
