Shillong, Kyllalyngkot 28: Mynta ka sngi ha ka por mynstep kawei ka bus Night Supper 
ka la kylla noh ha Mawblei ha kaba lain gut ki briew ki la duh ei ia la ka jong ka jingim katba palat 30 ngut kiwei pat ki la mynsaw.
Kine kiba la khlad noh kane ka jingjia la ithuh kum u Gopal Barma na Govindapul Nulbari district ka jylla Assam, u Balram Chaudhuri na Itanagar bad u Bilhar Uddin Barbhunia na Cachar, jong ka jylla Assam.
Na ka liang jong ki pulit ki iathuh ba ia kine kiba mynsaw baroh la pynkit sha ki hospital ban ioh jingsumar katba ia ki lai ngut ki CRPF kiba don lang ha kane ka kali kiba la mynsaw la rah ia ki sha Military Hospital ban ai jingsumar kane ka jingjia ba sngewsih ka la jia ha ka por kumba 4.30 baje mynstep.
Ha kawei pat ka jingjia kawei ka trok kit mawshun katba ka dang hiar sha Sohra kala kylla noh shuwa ban poi ha shnong Sohra ha kane ka jingjia u nongniah jong kane ka trok kaba don ia u numbor AS0-1A-6713 u la mynsaw bad la kit ia u sha hospital ban sumar.(SP News)
