Shillong, Rymphang 18: Mynta ka sngi u bah Ferdinand Lyngdoh ba dei president jong ka Meghalaya Deft Association ryngkat ka jingiashnoh kti lang kiwei ki para seng ba don jingduna ha ki dkhot met mynta ka sngi kila pynlong ia ka jingsoi kyrteng ban dawa na ka sorkar ban pynioh ia ka leit ka wan na ka bynta kiba don ka jingduna ha ki dkhot met.
Ha kane ka sngi u bah Benister Kharpor u wei na kiba don ka jingduna ha ka dkhot met, haba kren ha ka jingialang kaba lyngkot shuwa ban sdang ka jingiasoi kyrteng ha Khyndailad labuh ka jingkylli haba ka khangdam kam don shuh balei ka bai kali ka neh kum juh.
U bah Kharpor u la buh ka jingkylli ia ki bor sorkar haba ka khangdam kam don shuh balei pat ka bai kali kane kum juh, leh se kita kiba donba em ki kamai saw lak ne saw spah ha ka shisngi na ka bynta jong ki pat kiba don ka jingduna ha ki dkhot met ka long kaba eh ban siew kumba sniew lem kiwei.
Haba phai ha ka pule puthi la ong ba ka sorkar ka dei ban don ia ka sobjek kaba kyrpang na ka bynta jong kito kiba don ka jingduna ha ki dkhot met namar bun na ki ruh ki don hapdeng shibun ki jingpule bad don kam don ia ki subjek kiba kyrpang.
Haba phai sha ki balang la ong ba na ka liang jong ki balang ruh ki dei ban don ka jingsngewthuh kaba kyrpang na ka bynta jong ki, ban nym niew briew kam long kaba bha bad weng ia ka jingeh don kam ia ka jingiatreilang.
Ha kane ka sngi ki dkhot jong ka seng Khasi Disability Association kila wan ban ia shim bynta lang ban kyrshan ia kane ka jingdawa ban ioh lat ha ka leit ka wan jong kiba don ka jingduna ha ki dkhot met, ha kane ka sngi da ki bun spah ngut kila wan ban soi ban kyrshan ia kane ka jingdawa.
