Shillong, K.Lyngkot 19: U Bah Adelbert Nongrum MLA ka 17-Shillong North u la ong ba umdon kam ban khot ban wer namar ia ki san tylli ki mat kiba u la kren bad dawa ki long naduh ki riew sain pyrthei bad seng bhalang kila juh ia dawa, la dei ban sngewthuh ia kimat.
Ia kine ki bynta kiba la kren dei kiba la ia kren hapoh iing dorbar, hynrei bun sien la juh khien sting namar ba u dei u MLA ba tang marwei, haba ia dei bad kane ka jingrakhe ia kane ka jingdap 50 snem ka jylla ai kiba rakhe kin dang rakhe hynrei kin pynpaw ruhia ka jingsngew pyrshah ruh bad kim hun.
Kumba ka long mynta kam don tang kawei ka ain ruh ban iada ia ka jaidbynriew, laitnoh tang ka ain iada khyndew kaba la wanrah da u Prof Martin Majaw bam kwai ha dwar u blei, hyrnei kita ki MLA kiba la leit noh kila wanrah ia ka Single Window Agency bad kane kala ktah ia kane ka ain khyndew.
Haba ia dei bad kane ka jingdawa ynsa buh da ka jingialang paidbah ban pynshai bad kane kam dei ka jingmyntoi na ka bynta jong u shimet hynrei ka dei na ka bynta ki paidbah bad ka jylla hi baroh kawei namar ki donki bynta ba ktah ia ki khun samla.
U bah Adelbert u la ong bay m dei ban u shu pyrhshah hynrei u ai jingmut ruh bad haba ka sorkar ka la pdiang ban pynjlan ia ka rta thungkam u ai ka jingiaroh ia ka sorkar, haba ia dei bad ka kam khappud la ong ba ka dei ka jingby lah jong baroh ki sorkar kiba la leit noh ruh, kane ka dei ka kam kaba long kyllum dei ban buh ia ki jingsngew party sha rud.
Haba ia dei bad ka jingpynkynriah ia ka Them Metor la ong ba kum u MLA katei ka jaka yn nym shah ban lehbein ia ki, hynrei dei ban iada ia ki briew kiba la ai ka jingshakri ia ka jylla.
Halor ka jingkynnoh ba ka dei ka Political Drama u bah Adelbert u kylli mano baleh Drama bad mano ba pynbna shuwa ka ilekshon shiteng samoi ban weng ia ki na Them Metor.
U Bah T. Mawlot la ong ba kane ka jigndon kam dei ba ki pyrshah ia ka sorkar hyrei ka long ban ai jingmut ia ka sorkar, namar ha kito ki por ki don ka jingthmu ka sorkar ban wanrah ia ka Municipal ha Mairang, kila ia khih bad ka sorkar kala weng noh bad kim hun ia ka bhah kam bad ka jingbum don ia u pud u sam ba thikna.
