Shillong, Nailur 09: U bah George B Lyngdoh MLA jong ka TMC haba kren halor ka kaiphot kaba la aiti da u nongbishar T. Vaiphei , ia kaba la wanrah mynta ka sngi hapoh ka iing dorbar thawain ka jylla da u Myntri Rangbah ka jylla u Conrad K Sangma ha kaba ia dei bad ka jingkhlad noh jong u bah Cheristerfield Thangkhiew.
Kane ka jingtohkit ka kommisison ka long ban wat ia ka daw kaei kaba la pynlong ia ka jingkhlad noh u bah Cheristerfield, ha kane ka jingtohit ka long ha ki ar bynta, kawei ka jingtohkit ka long halor ka jingjia hato ka jingleh ki pulit kaba dei ne kaba lait.
Ka bynta kaba ar ka long ka jingai jingmut ba na ka liang jong u nongbishar Vaiphei la ong ba ka jingshem jong ki ka kynhun pulit kaba nyngkong kaba ki la leit ha ka 13/8/2021 haba ki leit sha iing jong u bah Chesristerfield ka long ba khlem pyrkhat bad ki pulit kila leh don bor kane ka dei ka jinglap jong u nongbishar.
Ha ka jingai jingmut u nongbishar ha ka kaiphot u la kdew ba ha ka por ba ki rung sha iing jong ki briew ymd ei ban leh ha ka por kaba lah ban pynmynsaw ia ki paidbah, u nongbishar u la ong ruh ba dei ban pyndon kam da ki kynjat tiar da kita kor kiba lah ban ioh ha ka por miet, lane ban pyndon kamshuwa da ka lyer pynsat khmat.
Kaba kongsan eh ka long haba ki rung ha ki iing ym de ban pynmynsaw iano iano, la ai jingmut ruh ba dei ban don ka jibngburom ia ka hok long briew man briew bad ki dei ban don ka Ambulance haba kileit ban khynra ha kano kano ka jaka.
U bah George u la ong ba wad lada ia ka kaiphot la dep ban ai ha u ban Jymmang hynrei haduh mynta ka sorkar kam pat leh ei ei ha kaba ia dei bad kane ka kaiphot, hynrei na ka liang ka sorkar kala thoh ba ka sorkar kan shukot ban pan jingpynshai na ki pulit.
U bah George u buh ka jingkylli mano ba phah ia kine ki pulit sha iing u bah Cheristerfield, namar haba leit ha kum kine dei ban da jurip bha, na kane ka kaiphot ki pulit kim tip don mano ha kata ka iing katno ngut ruhkim tip hynrei la shuleit syndet.
Ha kane ka jingleit jong ki pulit para maki ruh kim ia sngewthuh jingmut kin leit ban kem ne kin leh kumno kane ka paw ha kane ka kaiphot bad I mat don mano re mano ba la phah kynsan ia ki pulit ban leit kem ia u bah Cheristerfield kaba sngewkhia ka long ba ka sorkar kan shukhot ban pan jingpynshai.
U bah George B Lyngdoh la ong ba ka kaiphot ka long kaba biang, hynrei haba poi sha ka jingpynshitom pat ia kiba don kti, ka sorkar kala ong ba kan sa phah da ka shithi ban khot hajir ban pan jingpynshai na ki pulit.
