Shillong, Naitung Ka long kaei re kaei kaba pynkyndit ia ka HYC Mawthadraishan Circle halor ka jingioh lad jong u drok hapoh ka dong bad ka Thain Mawthadraishan Eastern West Khasi Hills District. Ha ka thma pyrshah ia u drok da ka Seng HYC hapoh ka Jylla, mynta ka miet jong ka sngi Saitjain kaba dei ka 20 tarik July 2024.
Ka Seng HYC Mawthadraishan Circle ha ka jingialam jong u Samla Shembor Langrin President ka Circle ryngkat ki dkhot, ki la ioh ban kurup drok bad thyrnia inject na uwei u samla ka thain Mawthadraishan. Kane ka jingioh ban kurup drok ka HYC ka dei ryngkat lang ka jingiatreilang bad kiba ha ing jong utei u samla uba la kyrni ha u drok.
Hadien ba ki la ioh ban kurup na ka liang ka Seng HYC ka la thang ingkhong khait syndon ia u drok bad ki thyrnia inject. Ka Seng ka la ioh ban ia syllok bad kiba ha ing ha sem bad ia utei u samla bad ban iarap ruh ia katei ka ing ka sem ban phah sumar noh ia utei u samla shapoh ki Rehab Centre.
Na ka liang ka HYC Mawthadraishan Circle ka kyrpad ia ki Nongialam Shnong,ki Sengtrei mon sngewbha,bad khamtam eh ia ki bor jong ka ain ba kim dei ban kheinsting hynrei ban peit ngor hapoh ka thain Mawthadraishan bad ka Distict Eastern West hi baroh kawei khang ba u drok um ioh ban rung hapoh ka thain, kane ka long katkum ka kyrwoh kaba la phah da u bah Shembor Langrin President HYC Mawthadraishan Circle.
