Shillong, Nailur 10: Katba ka dorbar synrai ka dang iaid sha khmat ha iing dorbar thawain ka jylla, kaba la pynkyndit ia ki pulit ka long ba ka Sur ki Nong Mawlai ki la leit ban bret ia ki Tarik ha khyrdop jong ka Meghalaya Secretariat.
Ki pulit kiba don ha ophis jong u Superintendent ki Pulit kila mareh bran bran sha katei ka khyrdop jong ka Secretariat ban tam ia ki Tari kiba la wan ban bret da ka sur ki nong Mawlai bad rah noh ia ki na katei ka jaka.
Ha khyrdop secretariat ki nongialam ka sur ki nong Mawlai kila ia pyrta ba katba ym pat wengkam shipor ia ki pulit kiba la suba ba don kti ha ka jingsiat iap ia u bah Cheristerfield Tnagkhiew kin nym shong thiat.
Kat haduh ba thoh ia kane ka khubor ki nongialam jong ka Sur ki Nong Mawlai ki la sdang ban shong ha khmat jong ka khyrdop jong ka secretariat ryngkat ki jingthoh ban pynrem ia ka sorkar bad dawa ban weng kam shipor ki pulit ban ioh ia ka jingtohkit kaba hok na ka bynta u bah Cheristerfield.
