Shillong, Risaw 20: U bah Embhahlang Shadap u ba bad ia kawei ka jaka pynieng kali u la pynpaw ba u dap da ka jingsngewkyndit mynta ka sngi haba u poi ha katai ka jaka ba u ju pyniaid parking kaba don ha rum Motphran lynti ban leit sha Police Bazar namar ki pulit ki la buh da ka “No Parking” ia katei ka jaka ba u ju pyniaid parking mynta la Jan arsnem duna.
U bah Embhahlang u la iathuh ba mynshi sngi la wan ki pulit arkhlur ha katei ka jaka bad ki la pyni ia u ia ka order ha ka mobile. Hynrei u la ong ba kata ka order ruh kam shai bha. U la pynpaw ruh ba ma u ruh u la pyni ia ki kot ki sla ba u ioh na ka ophis jong ka District Council.
Kumjuh ruh u la pynpaw ba ia kitei ki kot ki sla ba u la ioh na ka District council u la leit phah copy ruh sha ki police station kyntup ka Sadar police station ka Lumdiengjri police station bad ha cantonment.
Halor jong kane une u rangbah u la pan jingiarap na ka seng HNYF ban ioh jingiarap. Ha kane ka juh hi ka sngi ha ryngkat bad ka seng HNYF hi ki la leit ban iakynduh ia u ADC ban pan jingshai halor ka order ba la pynmih na ka DC myn ha ka 17 tarik mynta u bnai Risaw.
U la ong ba hynne mynstep u la ioh ia ka jingthoh na ka tnad pyniaid kali bad ong ba ka dei kaba beain na ka liang jong u tei u rangbah u la ong ba lada ong ba ka jong u ka dei kba beian te baroh hi ki jaka pynieng kali ki dei kiba long beain kumno kan dei tang ka jong u kaba long beain.
U bah Bless Dkhar President HNYF East Khasi Hill u la ong ba kane ka jing leh ka long ka bym iahap eiei ruh, kane ka jingbymshah shuh ban pyniaid ia katei ka parking ka long kumba la knih noh ia ka Jakob jong kiba pyniaid ia katei ka kam.
