Shillong, Nailar 01: Ka Federation of Khasi Jaintia and Garo People (FKJGP) South West Khasi Hills Unit mynta ka sngi la la.leit iakynduh ia u myntri ba peit ia ka tnad animal husbandry u bah A.L Hek ban dawa ban buh ia ki jaka ri syier ri sniang ha Mawkyrwat.
Haba kren bad ki nongthoh u president ka FKJGP South West Khasi Hills Unit, u samla Kenes Nonglait u la ong ka daw ba hakhmat eh ka long ban pynioh noh ia ka Poultry and Piggery farming ha Mawkyrwat, namar kumba long mynta, ka jylla haba phai bad ka jingpynmih doh ka duna ka dei namar ka jingbym biang ki jaka ri jingri, kaba pynlong noh ba ka doh masi kan kiew dor.
U samla Nonglait u la kam ba ka jylla ka pynmih doh masi palat 80,000 tons na ka bynta ban bam. Kum ka jylla na ka daw bym lah ban pynbiang doh masi, ka mat ia ka jingkiewdor jong ka doh masi. Ha kaba na ka dor ka ba long Rs.250 shikilo ka kiew sha ka Rs.420 shi kilo.
U la ong ba la sakhi ka ka jingremdor ka doh masi ha ka jylla, haba kylli, ki paitbah ki iathuh ba ka dei hi na ka daw ka jingduna ka jingpynmih ia ka doh masi, ki paitbah ki hap ba thid dohmasi na shabar ka jylla kum na jylla Assam, kaba pynlong ia ki nongdie doh ruh ban pynkiew ia ka dor jong ka doh masi la iathuh u samla Nonglait
U samla Nonglait u la ong shuh shuh ba ka jingdaw hi ka long beit ban pynioh noh ia ka poultry bad piggery farming ha ka district, ym tang ban pynduna dor ia ka doh masi, kumjuh ruh ban lah ban aikam ai jam ia ki samla ba khlem kam khlem jam ban pynmih income ia ki briew jong ka South West Khasi Hills.
