Shillong, Naitung 13: Ka Joint Action Committee (JAC) pyrshah ia ka Umngot Hydro Electric Project mynta ka sngi kila ia kynduh ia u myntri rangbah ka jylla u Cornad K Sangma bad ha kane ka jingiakynduh kila dawa ba dei ban pynduh pyndam noh ia kane ka jingthmu ban tei ia ka dam ha ka wah Umngot.
U Doloi jong ka Elaka Darang, u bah P Lymba ba dei shongknor ka JAC bad u bah Shemphang Mukhim general secretary haba kren ha ki lat pathai khubor ha dien ka jingiakren bad u myntri rangbah ka jylla la pyngsngew ba kila dawa ba ka sorkar ka dei ban pynduh pyndam noh ia kane ka jinthmu ban tei ia ka dam ban pynmih bor ding ielektrik halor ka wah Umngot.
Ha kane ka jingiakynduh kila airuhda ka jingthoh ban kdew ia ki daw balei ki pyrshah ia kane ka jingthmu jong ka sorkar ban den ia ka dam um halor ka wah Umngot, ka daw ka long ba ki jaka rep kin sa ngam hapoh um, ki shnong kiba don sharum kane ka wah ki im na ki kam jngohkai pyrthei.
Ha kane ka jingiakynduh ki nongialam ka JAC kila kren shai ba ki kloi ban pynlongia ki jingiakhih lada ka sorkar kam thmu ban iaid sha khamt ha kaba ia dei bad kane ka jingthmu ban den ia ka wah Umngot, ia kane kila kren ha khmat jong u myntri rangbah ha ka jingiakynduh mynt a ka sngi.
U bah Mukhin u la ong ba Ha kane ka jingiakynduh na ka liang jong u myntri rangbah u la pynsngew sha ki nongialam ka JAC ba un sa bishar bad peit bniah ha kaba ia dei bad kane ka jingpynsngew jong ka JAC kaba kila pynpaw mynta ka sngi.
