Shillong, Nailar 28: Ki nongialam ka seng JSU mynne ka sngi ka lah hiar ban ia kren bad ki heh ka company Top Cem ha Thangskai bad ka lah dawa ym tang ban weng kam shipor ia arngut ki nongtrei jong ka kiba pynshit iaki pulit ban bom pathar ia u paitbah haka sngi ba pynlong iaka jingpynsngew paidbah haka 24/8/2023/
Na ka liang ki nongialam ka seng ki lah dawa mardor ban beh krad iakine ki nongtrei bar jylla napoh ka jylla Meghalaya ban lait na ki jingjia ba sngewsih bad ka seng ka lah maham iaki heh ka Top Cem lada ki dang buh iakine ki arngut ki bar jylla hapoh company.
Ka JSU kala ong ba lada ki dang don kan sa mih ki jingsngewsih bad ka jingiapher jaitbynriew hapoh ka jylla bad ka seng ka lah ong ba lada jia kum kine ki kam ka Top Cem ka hap ban khlieh lada kam kohnguh iaka jingdawa ka seng ban beh krad syndon iakine ki arngut ki nongtrei bar jylla noh ka jylla Meghalaya.
Na liang ki heh kompany ki lah mynjur bad ki lah ong ba ki lah phah sha ki bor halor ka kompany ban leh iakaba donkam bad ka seng ka lah ong ba ka kompany kahap ban pyntikna ia kane ka jingdawa lym kumta ka kompany kan mat iaka jingeh. Na ka liang u DC ka EJH u lah kular ban thoh sha ka Home and Political Department ban beh syndon iakini ar ngut ki nongpynshit na poh ka jylla.
