Shillogn, Iaiong 07: Mynta ka sngi ka seng samla pule KSU jong ka West Jaintia Hills District kila ia kynduh ia u myntri ba dei peit ia ka tnad pule puthi jong ka sorkar jylla bah Lahkmen Rymbui ha kaba kila ai da ka jingthoh ban dawa na ka sorkar ba ka dei ban thung Nonghikai bad ki nongtrei hapoh jong ka Government Boys Higher Secondary School Jowai.
Haba ia dei bad ki nonghikai la ka KSU kala thoh shai ba ka Government Boys HSS Jowai ka don kam uwei uwei nonghikai ha kine ki subjek English, Khasi(MIL), Political Science, Education, Economics, History, Khasi (Elective), ha kane ka skul don kam wei nongrah dak bad wei ha ka kyrdan LDA.
Haba ia dei bad kitei ki kam kiba don amhapoh katei ka jaka pule na ka liang jong u Joint Director ba dei jong ka skul Education la phah ia katei ka jingthoh sha ka sorkar naduh ka 26 Naiwieng 2021 ba kan thung ia ki nonghikai kaba ka sorkar kam pat leh eie ei haduh mynta.
Kiwei pat ki jingdon kam kane ka skul jong ka sorkar kam don ia ka Laboratory na ka bynta ki samla pule ha ka Science, ha ka juh ka por kam don ruh iala ka jong ka Library ka jaka ba ki samla pule kin ioh ban ioh ia ki lat jingtip.
Kiwei pat ki jingdon kam kiba kane ka skul ka don kam ki long kum ka kynroh kaba la don kam kaba khlem pat leh ei ei ban pynbha haduh mynta kane ka buh jingma ia baroh, ka iing skul ba rim bala ong ban pynpra naduh u snem 2020 hynrei ka dang sah haduh mynta.
Kiba don kam kyrieh mynta haba ia dei bad ka skul ka long ki painkhana, ka jaka ialehkai Basket Ball, ban siang rong ia ka phyllaw jong ka skul, ki kor Komputor, bad la turwa ruh ban don ka jinghikai ha kaba ia dei bad ka subjek shangshuwari. Ha kane ka jingleit ia kynduh la ialam da u President u samla Liatphar Syngkrem ryngkat kiwei de ki nongkit kam ka seng kiba la ia don lang.
