Shillong, Naiwieng 25: Ka KSU EJHDU ba lam khmat da u President ka Seng Samla rangbah Streamly S Suchen Asst General Secretary Samla Pynshai Kupar Dkhar bad ki dkhot lah wan ban ia kynduh ia u EE jong ka MePDCL ha kan24/11/2023 ha Moowakh ban pan jingpynshai ba balei kiew ki bill light ha ki thain ki shnong ka East Jaintia.
Na ka liang jong u EE u la ong ba ka jingkiew ka bill light ka don bun ki bynta,kawei ka dei ba na ka daw ba ka ophis ka juh revise lane pynkiew manla u snem ia ka dor ki bill kata naduh ki domestic,Commercial bad ki high voltage tension.
Ka ba ar ka dei ka jingbym don ki meter reading jong ki longiing ka pynlong ia ka ophis jong ka MePDCL ban sam ia ki bill da ka ba shu kheiñ antad ka ba mih ka jingduh nong ia u ba khlem pyndonkam heater,Refrigerator bad kiwei de ki home electric appliances hynrei ka electric bill pat ka rem katba ki longiing ba pyndonkam ia Heater,Refrigerator bad ki home electrical appliances ba pher ba pher ka electric bill jong ki ka tad.
Ka seng kam sngew hun ia kane ka jingai daw jong u EE ka MePDCL namar ka lah ban don kaei kaei re ba buhrieh sha lyndet,bad ka seng kan iai buddieñ ba balei kane ka jingkiew ka bording electric ka kiew sted khlem don kano kano ka official notifications na ka Ophis sha ki longiing jong ki shnong bapher bapher hapoh u pud u sam ka East Jaintia Hills.
Ka seng halor kane ka mat kan sa pynlong iaki awareness ryngkat ka jingiatreilang bad ki nongtrei ka MePDCL khliehriat distribution division ha ki shnong ki shnong katba lah lyngba ki shnat treikam ka Seng kiba don hapoh East Jaintia khnang ba ki paidbah kin shai shuh shuh bad ba kin lah ban sngewthuh kham bha halor kane ka mat.
