Shillong, Naitung 10: Ki nongialam ka KSU Jaiñtia Hills District Unit ha ka jingialam u Ohibait Dkhar President) bad u Albinus Lamurong general Secretary ki la leit ïa kynduh ïa u Deputy Commissioner ka East Jaiñtia Hills District .
Kane ka jingiakynduh ka long halor ka jingbymshimkhia & mynthi ki Bor sorkar ban shna ïa ka District Task Force kat Kum ka Clause 5(1) Jong ka Meghalaya Resident and Security Act 2016 bad ka jingsuki ban pyniaid Beit ïa ki Kam ba iadei bad ka kam shna ïa ka khyrdop talasi kat Kum ka jingpyntreikam ia ka Entry & Exit point ha Malidor.
Ka KSU ka la pan îa ka jingpynshai halor Kane ka jingsuki ha kaba u Deputy Commissioner (uba dang Shu Shim Kam ) u la Kular ban shimkhia ban buddien ia Kane ka kam bad ban AI jubap hapoh shitaiew . “Ngi burom ia ka jingkular u DC bad Lada Kam Don kano2 ka jingseisoh ne iaid shaphrang , ka Seng Kam sdang ban iaid Da kiwei ki lynti” , la Ong u Ohibait Dkhar (President KSU JHDU).
Ha ka juh ka por , ki nongialam ka KSU JHDU ki la pynpaw Ruh hakhmat u DC halor ka jingbymsuidniew Jong ki riewshimkabu ia ka jingmana ka sorkar ban ym kit palat 9 ton lyngba ka jingkieng Rimanar kaba la pyni ia ki dak orpait. Na ka Liang u DC, u la sngewkhia ia ka jingeh ki Paidbah bad u la Kular ban wan jurip lang ia Kane ka kam ryngkat bad ki briew na PWD , nongialam ka Seng , ki nongialam Jong ki shnong.
” Kane ka dei kaba arsien ngi la buh jingthoh ha ophis u DC bad ka la Don Ruh ka jingujor na ki nongialam shnong Samasi & kiwei Ruh halor ka jingma ba ap Lada kdiah ka jingkieng Rimanar . Ngi shaniah bad ap khmih lynti ba ki bor Jong ka aiñ kin shimkhia na ka bynta ka jingbha u Paidbah baroh”, la Ong u samla Albinus Lamurong, Genl Secy KSU JHDU.
