Shillong, Risaw 13: Mynta ka sngi u bah Blikstar Sohun u nongialam ia ka synjuk Rangbah shnong ka Riad Nongtung bad ka kynhun la wan ban ia kynduh ia u CEM jong ka KHADC u bah Pyniaid Sing Syiem ban pynsngew ia ki jingeh jong ki paidbah ka raid.
Ki jingeh kaba ki ia kynduh ka dei ka jingbuh ka Karbi Anglong Autonomous Council (KAAC) ia ki khyrdop lum khajna, ka jingpynthud ia ki kam pynroi kiba wan na ka jylla Assam bad Meghalaya bad ka jingshah khanglat wat ban pom dieng thang bad kam dei ban lum khajana na ia u shyiap u maw bad ka jingiapynbeit pud ka dei ban long kaba suk ba sain.
Ha kane ka jing wan jong ki ban iakynduhia u CEM la wan ban iasynran lang ruh da u MDC jong ka Mawhati Constituency U bah Charles Marngar ha ka bana ka liang jongu u la pynpaw ka jingsngewnguh ia u CEM ba da lade u la wan ban jngohiakine ki shnong ki ba don ha pdeng ka jingiakajiapud bad ka Assam.
U la pynpaw ruh bana ka liang jong u u la jukren ia kane ka jingeh jong ki hapoh Assembly ban weng ia ki jingeh jong ki nongshong shnong, u la ong ka jingwan jong u CEM ka KHADC ha ryngkat U CEM ka KAAC sha ki tei ki ja ka kam shym la don shuh kano kano ka jingiapynibor bad ka Assam, Ha ka ba iadei bad ki kampynroi ki ba ki nongshong shnong ki dei ban ioh.
Na ka liang u CEM u bah Pyniaid Sing Syiem u la ai ka jingkular ba un shim khiaia ka jingeh ka bakine ki nongshong shnong ki iakynduh ha ka ba iadei bad ka jinglumkhajna ia ki marrep jong ki bad kiwe ikiwei pat ula kular ban iakren bad U CEM ka KAAC ha lor kane ka bynta.
U la kularruh bala da don kano kano ka jingeh ka bakum ki nongshong ki iakynduh, u long u ba la kloi ban leit sha kine ki ja wat la ka long ha kapor shiteng synia. U la kular ruh ba nakaliang ka Council kan sa wanrah ia ki kampynroi sha kine ki ja ka wat la ka long tang ha ka bor barit jong ka ruh.
