Shillong, Jylliew 10: Ka seng Ri Bhoi District Sport Association (RDSA) mynta ka sngi kala leit ban ia kynduh ia u myntri ba dei peit ia ka tnad ia lehkai ban ai khublei ia u ba la pynioh ia ka skhim na ka India Khelo ban siang phlang plastic ia ka madan kynjat boll ha madan Kurkalang ha Bhoirymbong Ri Bhoi District.
Haba kren ha ki lat pathai khubor bah RB Shadap President ka RDSA) ha dien ka jingiakynduh ia u bah Banteidor Lyngdoh ha iing sah jong u la ong ba ka jingwan jong ki mynta ka sngi ka long ban ai khublei bala lah ban pynioh katei ka skhim na ka bynta katei ka madan kynjatbol.
Ha kane ka jingkren kaba kila ia kynduh mynta ka sngi kane ka kam ka iaid sted bha bad ia ki kot ki sla la lah ban pyndep ha u nailar bad na ka liang jong ka seng kila khot ia u ban wanbuh ia u mawnognrim ha katei ka jaka, na ka liang jong u myntri u la iathuh ruh ba ia ka madan ha Patarim ha Umsning ruh la iohlang.
Ka RDSA ka pynpaw ia ka jingsngewsnguh ia u myntri ka tnad ialehkai ba la pynioh lang ia ka skhim, kawei ka ki dang ap khmih lynti ka long ia ka Synthetic Track ia ka madan kaba don ha Paham Syiem ha Nongpoh bad ka jingmang ban shna ha ka jinglut kaba T.18 klur kane ka kam kala iaid bad khmih lynti ba yn ioh ia ka jingmang pisa mynta u snem.
Na ka liang jong ka RDSA ka pynpaw ia ka jingsngewnguh ia u myntri bad ki khmih lynti ba kan iarap ia ki samla ka Ri Bhoi District ban kyntiew ha ki kam ialehkai, la ong ban a Ri Bhoi ki don shibun ki samla kiba don ia ka sap ka phong ha ki kam ialehkai.
Ha kane ka jingiakren na ka liang jong ka RDSA kala pynsngew ha u myntri ba kin dang ai shuh ki jingaimut sha ka tnad ialehkai buh ia ki jaka ialehkai ha Ri Bhoi District, kiba la ia don lang ha kane ka sngi kiba la leit ban ia kynduh ia u myntri kam ialehkai ki long u bah GS Shadap Senior Presdietn, u bah Dipshon Ryntathiang general secretary, bah F A Syngkli ba bat ia ka pla pisa ka seng, bah Don Sohkhlet, bah Nicky K Thangmaw.
