Shillong, Nohprah 09: Mynta ka sngi ka Vice Chancellor ka skul bah ka jylla Captain Williamson Sangma ka Dr. Dr Vasanthi Vijaykumar kala leit ban ia kynduh ia u myntri rangbah ka jylla u Conrad K Sangma ha ophis treikam ka jong u ha Secretariat.
Ha kane ka jingleit ia kynduh la dong lang u myntri ka tnad pule puthi, u Rakkam A Sangma , u Chief Secretary ka jylla u bah Donal P Wahlang, u nongai buid ka tnad pule puthi u bah Himalaya Shangpliang.
Kane ka jingiakynduh ka dei ka sien kaba nyngkong naduh ba ka sorkar kala thung ia ka Vice Chancellor kaba nyngkong ban peit ia ka skul bah kaba nyngkong kaba pyniaid da ka sorkar jylla ka Captain Williamson Sangma.
Ka skul bah Captain Williamson Sangma ka dei ka skul bah ka dei jong ka sorkar jylla bad kane ka skul bah kan sdang ban treikam noh ha kane ka snem pule kaban long na u snem 2025.
