Shillong, Nailur 27: Ki nongniah arshaka ki ba hap hapoh ka lama Jong ka Ride to Served ha ka 27 tarik Nailur 2024 , ki la leit ban iakynduh ia u Commissioner and secretary ka tnad Transport u David D Marak , ban pynsngew halor ka jingeh na ka jingbym ioh ia ka Individual Permit ban kamai arshaka hapoh ka nongbah Shillong.
Ha kaba iadei bad ka jingiakynduh bad u Commissioner ka tnad Transport, u bah K Nongkynrih u la iathuh ruh ba na ka Liang u Commissioner u la kular ban shim khia bad Shen ka tnad kan sa shna noh ia ka Meghalaya Vehicle Motors Rule, khnang ban lah ban pynbeit ia kane ka jingeh.
U bah Nongkynrih u la iathuh ruh ba kane ka jingdawa Jong ki nongniah arshaka, ka dei kaba la slem hynrei ka don ka jingbym shimkhia na ka liang ka Sorkar , ka ba pynlong ia ki nongniah arshaka ban mad ia ka jingeh mynta.
U la ong ruh ba ki ladep ban leit buh jingthoh ban pynsngew ia ka jingdawa Kum ki nongniah arshaka hynrei haduh mynta Kam shem la don kano kano ka jingshim khia Kum ka kynhun ngi la pynsngew ba Ki jingshakri jong ki Bike Taxi ka la long kum kilad kamai kaba kongsan bha na ka bynta kiba bun ki samla kiba ïaleh ban ieng ha la ki jong ki kjat.
U la ong ruh ba bun na ki nongñiah bike taxi ki la shim ia kane ka lad kamai namar ka jingeh ban ioh kam ioh jam, nalor kata ki don ruh ki samla pule kolej kiba shaniah ha ka kamai bike taxi ban kyrshan ïa la ka jinglut jingsep ha ka pule puthi.
Kumta na ka liang kane ka kynhun ka la buh ia ka jingkyrpad ia ka sorkar Jylla ban thaw ïa ka mobile application kaba kyrpang da ka jylla na ka bynta ki nongniah bike taxi ha kaba kane ka app kan long kum ka lad kaba kham sted bad kaba shai ban peit ia ki jingtreikam jong ki jingshakri jong ki taksi bike.
Lah ban kdew ba ha ka 26 Tarik Nailur 2024 , ki Motor vehicles inspector (MVI) Jong ka tnad Transport ki la pynlong ia ka jingtalashi ia ki kot ki sla Jong ki ar shaka ki ba kamai beaiñ, ha kaba bun ngut ki briew ki ba kamai arshaka kila shah bat bad la bthah ba kidei ban wan siew kuna haduh 10,000 tyngka hapoh ka 15 sngi.
