Shillong, Risaw 20: Ka jingiakhih shongkyllain mungor jong ki nonghikai SSA kiba don ha ka seng All Meghalaya SSA Teachers Association (AMSSATA) kala kynjoh sha ka 20 sngi mynta ka sngi bad kila rai ban leit tur sha Secretariat a ka 23/Risaw/2024.
Ka jingdawa jong kine ki nonghikai ka long ban pynkiew ia ka tulop da 100% namar mynta la phra snem ka tulop jong ki kala sah kum juh khlem pynkiew shuh, kine ki nonghikai kila air uh da ka jingthoh sha ka sorkar ban dawa ia kane ka jingpynkiew tulop.
Kane ka jingiakhih kala sdang ha ka 1 tarik mynta u bnai bad kala neh haduh mynta ka sngi ka 20 tarik Risaw 2024, ha pdeng kine ki sngi kum ka seng kala ai jingthoh sha u Lat ka jylla ba un tuklar lem ia kane ka kam bad kila ia kynduh ruh ia u bah Paul Lyngdoh myntri ka sorkar.
Halor kane ka jingdawa na ka liang jong u myntri ruh u la kren bad pynsngew ia kaei kaba ka sorkar ka ia kynduh bad la kyrpad ruh ia ki ha ka jingiakynduh ba kin sngewbha ban pynkut noh ia kane ka jingiakhih ka jong ki.
Ha kine ki sngi ba ki don ha pdeng ka jingiakhih bun kiba la leit ban pynpaw ia ka jingsngewlem bad kane kila don wat ki seng sain pyrthei ba leit ban jngoh ia ki ha kane ka jingiakhih ha Madan Malki.
