Jowai, Risaw 09: Ki nongialam jong ka Meghalaya Asha Workers Union (MAWU) kila leit sha Amlarem ban ia kynduh ia ki nongtrei Asha hapoh jong ka Amlarem Civil Sub Division namar ba jingshah lehbein jong ki ha kaba ia dei bad ka jingioh kaba ki dei ban ioh.
Ki nongialam jong ka AMWU, kaba kyntup ia ka kong Sony Kharjana kum ka nongaibuid, ka President kong Mira June Maring kila leit sha Amlarem ban pynlong ia ka jingialang ban sngap ia ka jingeh jong ki nongtrei Asha kiba hap hapoh jong ka Padu Dispensary, Amlarem PHC, Pdengshakap bad Nongtalang PHC.
Ha kane ka jingialang la ia kren ba ki Asah kiba trei hapoh jong ka Amlarem Civil Sub Division kin shym la ioh ia ka jingmyntoi kaba la tip kum ka “Asha Benefit Scheme” naduh u snem 2015 haduh mynta, kumjuh ka MMBs. Ha kane ka jingialang kila pynpaw ba ka jingtrei bad ka jingioh kam ia hap satia bad ka jingsiew ia ki ka long katba kimono.
Ha kane ka jingialang paidbah kila pynpaw ruh ba haba kila ia kren ia u Dr H Sengmon na ka liang jong u tei u doktor u la ong ba ia ki jingkhein jingdiah kiba dei bad ki Asha la rah da u accountant ba rim u ba la resign na ka kam. Halor kane na ka liang jong ka MAWU kin sa ia kynduh ia ki heh jong ka tnad ka koit ka khiah ban ia pynbeit.
Ha kane ka jingilang paidbah na ka liang jong ka MAWU kala pynpaw ruh ia ka jingkren jong u MLA ka Nongpoh hapoh iing dorbar ha kaba ia dei bad ka jingdon kam jong ki nongtrei Asha ha ka jylla Baroh kawei. Ha ka juh ka por ka seng ka leit ban ai ia ka dorkhas sha u Director ka tnad ka koit ka khiah jong ka jylla ban dawa ba ka dei ban don ka jingsiew kaba thikna ia ki Asha.
