Shillong, Jymmang 22: Shibynta ia ka jingdawa ILP Ka Seng HYC mynta ka Sngi ka 22-05-2019 kala pynjur biang iaka Sier Lapalang Operation(SLO) ha ka thaiñ Umiam badon ki Karkhana bapher bapher kiba palat 20 tam ei ei.
Ha kane ka jingleit khynra bala lamkhmat da ka Organising committee Seng kmie ha ryngkat ka jingdon ki dkhot ka Seng kumba 150 ngut tam, ka Seng kala Sakhi bad lap ba 400 tam ki bar jylla kiba trei ha kine ki karkhana bapher bapher kim shym la don iaki kot ki sla kiba biang kum ka Epic ban pynshisha iaka jaka shong ka jaka sah kaba thikna ka jong ki bad khamtam eh iaka Labour Licence bad ki Trading Licence na ka District Council.
Ha ka jingiakren bad U Organising Secretary ka Seng U Samla Francis Gee Mawlong Ula iathuh Kaba kham pynlyngnoh iaka Seng kadei halor ka jinglap ia ki katto katne ki karkhana kaba ia ki Application form jong ki nongtrei bar jylla la shu wan rah ne tyrwa hi da ki ophisar na District Council bad ia kaba kila dep ban ai ruh iaka receipt kaba shongdor 700 tyngka.
Kaba nang kham pynlyngoh Shuh Shuh iaka Seng ka long ba kumno haba iaka phom ka bym pat shym la pyndap ba don da ki phew tylli ka dang don bad ka dang sahkut ha ka miej jong ki Manager jong kine ki kharkana katba iaka receipt pat ladep ban ai ne issue sha kine ki Nongtrei barjylla.
Ha kane ka jingleit khynra ka Seng kalap ruh ba ka jing ai kam iaki khasi Shynrang bad kynthei ha kitei ki karkhana ia ka dor bai bylla ka jong ki la shu ñion bein ka bym iahap katkum ka dor bala buh da ka Sorkar.
Kumta na ka liang ka Seng kala pynher krad bad phah noh ia baroh ki bar jylla ki bym don kot don sla da kaba phah noh sha ka jaka ne ka shnong trai ka jong ki bad kala maham ruh ia ki trai bad ki manager jong kine ki karkhana ba kim dei ban dang wanrah ne pyntrei iaki bar jylla khlem da pat ioh ia ka Labour licence na District Council.
Ka Seng kala dawa ruh na ki trai bad ki Manager jong kine ki karkhana ba kidei ban pynkiew noh mardor iaka bai bylla sngi jong baroh ki paradoh parasnam ki jong ngi kiba trei hangtei katkum ka dor bala buh daka Sorkar, kala dawa ruh ba kidei ban ailad iaki paradoh parasnam ki jong ngi ia ki kam kiba ki paradoh parasnam ki jong ngi kila lah ban trei.
Na ka liang ka Seng kan sa buddien biang ia kine ki karkhana ban nang khynra bad kan sanang pynjur shuh shuh ia kane ka Sier Lapalang Operation sha kiwei ruh ki jaka kiba don ha ka bri u Hynñiewtrep hi baroh kawei.
Ka seng ha kine ki sngi hi kan sa leit rah biang ruh iaka jingujor Sha U EM trade bad EM Labour ka Council halor ka jinglap ka Seng ia ka jingdon ki Ophisar ka Council kiba long dalal bad ka jingbym biang kot biang sla kine ki karkhana bad ki nongtrei bylla bar jylla. La ong u Bah John Lyngdoh Assistant t Organising Secretary. HYC, CEC.
